Հայտնի քրեական հեղինակություն Արթուր Ղազարյանը՝ Քանաքեռցի Տույը, իր եւ Միհրան Պողոսյանի հարաբերությունների, ապատեղեկատվություն տարածողների, ու իր ընկերների մասին
Մամուլում դեռեւս չեն դադարում խոսակցություններն այն մասին, որ իբր շարունակում են լարված մնալ գեներալ Միհրան Պողոսյանի ու հայտնի քրեական հեղիանակություն՝ Արթուր Ղազարյանի՝ Քանաքեռցի Տույի հարաբերությունները:
Ավելին, ըստ նույն հրապարակումների, Ավանում նախընտրական կրքերը, որոնք բորբոքել են քաղաքապետ Տարոն Մարգարյանն ու ԴԱՀԿ նախկին ղեկավար Միհրան Պողոսյանը, ավելի են թեժանում։
Նույն լուրերի համաձայն, գործին խառնվել են արդեն քրեական հեղինակությունները՝ մասնավորապես քրեական աշխարհում հայտնի քանաքեռցի Տույը, ով իբրեւ ապտակել է Միհրան Պողոսյանին:
Բոլորովին վերջերս, Fnews.am-ը այս առթիվ լսել էր ԴԱՀԿ նախկին պետ՝ Միհրան Պողոսյանի պրոտեժե՝ ԱԺ պատգամավոր Արթուր Ստեփանյանի՝(Չախկալ Արթուրի) մեկնաբանությունը, ով մեզ հետ զրույցում կտրականապես հերքել էր այդ խոսակցությունները՝ ասելով որ ոչ մի վեճ, խոսակցություն, սկանդալ, կամ այլ կերպ ասած՝ ծեծ ու ջարդ չի եղել:
Ավելին, Ստեփանյանը վստահեցրել էր, որ այժմ էլ նրանք շատ նորմալ հարաբերությունների մեջ են, եւ որ այն ինչ գրում է մամուլը, իրականության հետ ոչ մի կապ չունի:
Մենք խոստացել էինք, որ հնարավորության դեպքում, շրջանառվող այս սկանդալային լուրերի վերաբերյալ կփորձենք ներկայացնել նաեւ Արթուր Ղազարյանի՝ Քանաքեռցի Տույի մեկնաբանությունը, ինչն էլ մեզ այսօր վերջնականապես հաջողվեց:
Fnews.am-ի այն հարցին, թե ի ՞նչ հիմքով են են նման խոսակցություններ շրջանառության մեջ դրվել, եւ թե իրականում ի՞նչ հարաբերություններ ունեն երկու հայտնի դեմքերը(հայտնի քրեական հեղինակությունն ու նախկին ԴԱՀԿ պետը), Արթուր Ղազարյանը մեզ հետ զրույցում ասաց հետեւյալը.
-Նախ եւ առաջ Միհրան Պողոսյանը իմ մտերիմ ընկերն է, եւ Միհրան Պողոսյանի հետ ոչ մի խնդիր չկա: էդ հիմարությունները որ գրում են, մի քիչ թող մտածեն՝ նոր գրեն:
-Ի դեպ, մինչ օրս շարունակվում են խոսակցություններ պտտվել այն մասին, որ իբրեւ Ձեր եւ Միհրան Պողոսյանի տարաձայնությունները միայն վեճով չեն ավարտվել.խոսվում է նաեւ ԴԱՀԿ նախկին պետին ապտակելու մասին: Ի ՞նչ կասեք դրա վերաբերյալ:
-Հատկապես լավ չհաասկացողների համար. կրկնում եմ՝ Միհրան Պողոսյանն իմ ընկերն է, ո՞նց կարող ա նման բան լինի: Երկրորդ՝Միհրան Պողսյանն էդ տղեն չի, որ իրան ապտակեն, եւ երրորդն էլ՝ նման բան չի եղել:
Իսկ առահասարակ՝ երկու եղբոր, մարդու ընտանիքի մեջ էլ կարող ա վեճ կամ խոսակցություն լինի: Հետո ի ՞նչ: Ես ուղղակի զարմանում եմ էդ խոսացողների ու ասողների վրա: Ես արդեն մեկ ամսից ավել է ՀՀ-ում չեմ. Էդ ե՞րբ ապտակեցի Միհրան Պողոսյանին:
Ձեռքերս որ երկար են՝ էդ գիտեն.Մոսկվայից էլ, Լոնդոնից էլ, Փարիզից, ու Լոս Անջելեսից էլ ձեռքերս կարող են հասնել Երեւան, բայց ես ստեղ, Միհրանը ընդեղ, էդ ե ՞րբ ապտակեցինք՝չիմացանք: Թող գրողները հետաքրքրվեն՝իմանան, ես երբ եմ ՀՀ-ից դուրս եկել, ու երբ կարար նման բան տեղի ունենար:
Թե ում ա ձեռք տալիս էդ անհեթություններ տարածելը՝ չգիտեմ: Ամեն ինչ սարքել են կապիկություն…Մեր մեջ ոչ մի լարվածություն չկա, եւ չի էլ կարող լինել. մենք ընտանիքներով իրար հարազատ ենք: Ինքը իմ մոր ձեռքի հացն ա կերել, ես իրա օջախում եմ հաց կիսել, մենք ընկերներ ենք, ու դա ամեն ինչ ասում ա:
Հասկացանք, որ էս կյանքը սրբապղծվել ա, հարամվել ա, բայց իմ մոտ ոչ մի բան չի փոխվում: Ես իմ ընկերներին շատ եմ սիրում՝ անկախ ամեն ինչից: Կարամ ինչ-որ հարցի շուրջ ասեմ-խոսեմ, կարող ա եւ կարծիքիների տարաձայնություն էլ լինի, բայց նեղանալը ո ՞րն ա (էդ արդեն տղություն չի), ինչ իրավիճակ էլ որ լինի. իմ ընկերները՝ միշտ իմ ընկերներն են:
Ես մի սկզբունքով եմ ապրում էս կյանքում. Մարդուն մինչեւ ընկեր կոչելը երկար մտածում եմ. էս մարդուն արժի ընկեր կոչել՝ թե ոչ: Բայց երբ որ էդ մարդը դարձավ իմ ընկերը՝իրա բոլոր առավելություններով, թերություններով, ու սխալներով ինքը իմ ընկերն ա: Եթե նա իմ ընկերն ա՝ ուրեմն իրա բոլոր արարքները նաեւ իմն են:
Ու հիմա եթե ես ասում եմ, որ էդ մարդն իմ ընկերն ա, ո ՞նց կարող ա նման բան լինի: Էդ ինչ խոսում են՝ չի համապատասխանում իրականությանը:
-Շատ հաճախ Ձեր անունը փորձում են կապել նաեւ հանցագործ աշխարհի եւ ինչ-ինչ պատմությունների հետ: Ի ՞նչ կասեք դրա հետ կապված:
-Ես Ձեր հարցին հարցով պատասխանեմ.հանցագործ աշխարհ ասելով նախ ինչ են հասկանում: Մարդուն հանցագործ աշխարհի հետ կապում են հանցանք կատարելու համար՝ ճիշտ ա ՞: Հիմա ես էդ ինչ մի հանցանք եմ կատարել, որ ինձ տանեն էդ աշխարհի հետ կապեն:
Պիտի հանցանք անես չէ՞, որ քեզ կապեն էդ աշխարհի հետ: Այ ցավտ տանեմ, հիմա Հայաստանը մի բուռ տեղ ա. մեկը մեկին բարեկամ ա: Տենց որ լինի՝ պիտի մեր ախպերներին, հորեղբոր տղաներին, կամ մեր ընկերոջ բարեկամին բարեւ չտանք: Հիմա մեկը ոստիկան ա, մեկը պատգամավոր ա, մյուսը՝ մի ուրիշ բնագավառի աշխատող ա, ինչ ա ՞ իրար բարեւ չտա ՞նք: Ես միշտ էլ իմ, իմ ընկերների ու հարազատների թասիբի ու արժանապատվության համար կանգնած եմ եղել: Ու եթե դա հանցանք ա համարվում կամ հանցագորոծություն՝ ուրեմն ես հանցագործ եմ: էլ բան չունեմ ասելու:
Ինձ բացի իմ թասիբի ու արժանապատվությանս համար իմ սկզբունքը պահելուց, ուրիշ ոչ մի բան չեն կարող բերել կապել իմ անվան հետ:
Բոլ ա էլի. լսել են՝ չգիտեն որը ինչ, որտեղից, ոնց… ու թողես մենակ խոսան:
Ցանկացած հայ տղամարդ էլ՝ եթե իրան տղամարդ ա համարում, տո պետք ա «զենք էլ ունենա, ձի էլ ունենա, տուն էլ սարքի, ծառ էլ տնկի »: Է՜, որ դրանք չունեն, մենք ի ՞նչ անենք: Ընգել են մեր հետեից, այ քեզ բան:
Մենք պատերազմող երկիր ենք: Աստված ոչ անի, եթե լուրջ իրավիճակ եղավ, մենք ենք չէ լինելու մեր երկրի ու սահմանի նամուսն ու թասիբը պահողը:
Ես 13-14 տարեկան տղա եմ եղել, հորս հետ միասին Շամշադինում գնացել-մտել եմ խրամատ: Էդ մասին ամբողջ Տավուշի մարզը գիտի: Ես իմ հոր հետ եմ գնացել մտել խրամատ. Էդ ո ՞ր հերն ա իրա երեխուն տանում խրամատ:
Էս ամեն ինչը աբսուրդ ա: Ամբողջ օրը՝ Արթուր- Միհրան, է հետո ՞: Էս ամեն ինչը մենակ Միհրանով չի. մենք ընդհանուր ընկերներ ունենք, մենք մի ընտանիքի պես ընկերություն ենք անում: Մի հատ փոքր բան են լսում՝վերջ... Մարդիկ կարող ա ա սրճարանում մի քիչ բարձր տոնով իրար հետ սկսեն խոսել, հաջորդ օրը կսկսեն գրել, թե իրար սպանել են: Ամոթ ա, իրականում ամոթ ա, չի կարելի:
-Ձեր կարծիքով ո՞ւմ կարող էր ձեռնատու լինել նման խոսակցություններ տարածելը:
-Ես չգիտեմ, էդ գործով զբաղվողներն ու տարածողները կիմանան:
Ես արյունակից ախպեր ունեմ, ու շատ հարցերում կարող ա իրար չհասկանանք, իրար շատ բան ասենք: Բոլորս էլ տղա ենք. ամեն մարդ իրա խոսքը պիտի ունենա: Էմոցիոնալ, կյանքի մարդիկ ենք. է ՜կարող ա իրար չհասկանանք ՝ախպեր կլինի, թե ընկեր, ի ՞նչ կապ ունի:
Ուղղակի էդ քաղաքում լիքը մարդիկ ուրիշ ձեւ են ապրում. Տղա չեն էլի. Ես տղա համարում եմ էն մարդուն, ով որ ունի իրա կյանքի ձեռագիրը: Ոնց ա՝ հանցագործ աշխարհում մեկը գողություն ա անում, ասում են էս ինչի ձեռագրին նման ա:
Կյանք ապրելն էլ՝ ձեռագիր ա: Ես չեմ ուզում նմանվեմ ինչ-որ մեկի ձեռագրին, կամ ապրածին: Ես իմ ապրածով՝ էս կյանքում իմ ձեռագիրն ունեմ: Թող գնան իրանց ապրածի մասին մտածեն, ու անհեթությունների մասին քիչ խոսեն:
Բոլորն էլ գիտեն՝ով ով ա…
Fnews.am