Հայտնի հեղինակություն Արթուր Ղազարյանի՝Քանաքեռցի Տույի «Ոդիսականը»

ԱՍՏԾՈ ՊԱՐԳԵՎ ԸՆԿԵՐՍ Կյանքում ինձ հարազատ մարդկանց հետ ծանոթացել եմ Աստծո նախախնամությամբ: ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը ընթերցողին է ներկայացնում՝ ինչպես է ծանոթացել հանցագործ աշխարհում մեծ հեղինակություն համարվող Արթուր Ղազարյանի՝ Քանաքեռցի Տույի հետ: 7 ամիս առաջ շատ պատահաբար ծանոթացա մի տղամարդու հետ, ով ինձ ապշեցրեց իր գիտելիքների հսկայական և բազմակողմանի պաշարով, առողջ դատողությամբ, կյանքի արևոտ ու ստվերոտ կողմերը վերլուծելու կարողությամբ... Այդչափ գրագետ մարդու հետ շփվելը ինձ այն աստիճանի գերագույն հաճույք պատճառեց, որ ես մոռացած ժամանակի մասին, կլանում էի նրա յուրաքանչյուր գաղափար ու խոսք: Հետագայում նա դարձավ իմ ամենամտերիմ ընկերը...

Իսկ մինչ այդ՝ իմացա, որ նա հեղինակություն է բառիս ամենաուղիղ իմաստով, բայց քանի որ արդեն հասցրել էի ճանաչել որպես ՄԱՐԴ, դա ինձ վրա ոչ մի ազդեցություն չունեցավ, ինչպես հաճախ պատահում է, երբ մարդիկ «հեղինակություն» բառը տարբեր կերպ են ընկալում և մեկնաբանում: Սովորական միջավայրում, սովորական մարդկանց հետ իմ ԸՆԿԵՐԸ չի տարբերվում ոչ մի քաղաքակիրթ ու բազմակողմանի զարգացած մարդուց: Երբեք, ոչ-ոք չի կարող կռահել, որ ինքը զրուցում է մի այնպիսի մարդու հետ, ում գաղափարներն ու գաղափարախոսությունը տարբեր է սովորական մահկանացուներից, ում «այոն՝ այո է, ոչը՝ ոչ, խոսքը ստույգ է, ոչ մի պարագայում կասկածի ենթակա չէ»: Հայերս մի սիրած արտահայտություն ունենք. «Իր խոսքին տեր տղամարդ»: Ընկերս ու նրա նման մարդիկ ապրում են ՌԵԱԼ աշխարհում, ՌԵԱԼ գաղափարներով: Նրանց ԱՇԽԱՐՀԸ շատ ավելի մաքուր է, ավելի բարի ու անկեղծ, քան այն կեղտի մեջ թաթախված աշխարհը, որի մեջ ապում ենք մենք, չգիտակցելով, թե դեռ ինչ որոգայթներ են սպասում մեզ աշխարհի «հզոր» պետությունների ինտրիգների արդյունքում:

ԸՆԿԵՐՍ Աստվածապաշտ է՝ բոլոր իրական Աստվածապաշտների նման: Կարդում, լսում և կատարում է Աստծո խոսքը, ջերմեռանդ աղոթում է, և իր Աստվածային զինացում բազմաթիվ խելացի ու առաջնորդող գաղափարներ ու մտքեր ունի, որի կարիքը, կարծում եմ, բոլորս ունենք ԸՆԿԵՐՍ հայրենասեր է, ազգասեր, ՄԱՐԴասեր, սիրում է փոքրիկներին, կանանց, բնությունը, կենդանիներին...

Մի խոսքով՝ սիրում է ԿՅԱՆՔԸ: 7 ամիսների հեռուներից հիմա կարծում եմ, որ կյանքս կեսքուն-կեսարթուն եմ ապրել, այժմ արթնացել եմ իմ ապրած մղձավանջային կյանքի անզգայացումից: ԸՆԿԵՐոջս մեն-միակ արտահայտությունը՝ «Մարդը ողջ կյանքում չպետք է կորցնի զգոնությունը, որովհետև չգիտես, թե ով, երբ, և ինչ պարագայում կհարվածի քո թիկունքից», ես դարձրել եմ իմ կյանքի կրեդոն: Աշխարհայացքիս մեջ այնքան բան է փոխվել, որ չգիտեմ, թե էլ ինչերով կիսվեմ ձեզ հետ: Վերջում մի բան ավելացնեմ. Ես 360 աստիճանով փոխել եմ իմ կարծիքը հեղինակությունների ու նրանց ապրած ԱՇԽԱՐՀԻ մասին: Շնորհակալ եմ ԱՍՏԾՈՒՑ ու իմ ԸՆԿԵՐոջից, որ այսօր կողքիս են, ինչպես երկու պահապան հրեշտակ:

Գագիկ Սուրենյան 

Հ.Գ 

Իրականում բավականին դիպուկ եւ արդարացի բնորոշմամբ  էր հանդես  եկել  փորձագետ Սուրենյանը՝  հայտնի հեղինակություն Արթուր Ղազարյանի՝Քանաքեռցի Տույի Տեսակի մասին խոսելիս, ճշգրիտ ու տեղին խոսելով նրա ՄԱՐԴ լինելու կարողության, (որն իրականում դժվար բան է մեր օրերում), նրա՝ ՀՀ-ի արժանապատիվ քաղաքացու ու վերջապես իր երկրի՝ հող ու ջրի գինն իմացող հայորդու մասին, ով ե'ւ իր ծննդավայրում `հայրենի  Ծաղկավանում, եւ առհասարակ Տավուշի մարզում, ե'ւ թե  ՀՀ-ում, ու  ՀՀ-ի սահմաններից դուրս,  մշտապես իր հեղինակության ու  ազդեցիկության շնորհիվ՝ բարձր նշաձողի վրա է  պահել հայի անունը:

Ու պատահական չէ, որ հայտնի հեղինակությունը մշտապես բոլոր լավագույն ձեռնարկներն ու սեփական մտահղացումները՝ նախ  եւ առաջ սկսել է իրագործել իր հայրենի Ծաղկավանում: 

Հիշեցնենք, որ դեռեւս 12 տարի առաջ, Տավուշի մարզի Բերդի տարածաշրջանի Վերին Ծաղկավանի միջնակարգ դպրոցը  անվանակոչվեց  Արթուր Ղազարյանի հայրիկի՝  Հայկ Ղազարյանի անունով, իսկ դպրոցի առաջ կանգնեցվեց  է նրա կիսանդրին:

Ամեն տարի, սեպտեմբերի 1-ին,  Գիտելիքի օրվա հետ կապված՝ Տավուշի մարզի Վերին Ծաղկավան գյուղում բարեգործության ավանդույթները շարունակական բնույթ են կրում:  1973-ին կառուցված եւ 2005-ի օգոստոսից Հայկ Ղազարյանի անունով անվանակոչված դպրոցում սովորող երեխաների ծնողները արդեն երկար տարիներ չեն մտածում, որ 1-ին դասարան այցելած երեխաները կունենան դպրոցական պարագաների եւ գրենական պիտույքների ձեռբերման խնդիր: Գյուղում այդ հարցը վաղուց է լուծվել:

Իսկ ահա 2015 թվականին էլ,  ամբողջովին կահավորվել ու թարմացվել էր Վերին Ծաղկավան գյուղի դպրոցի  դասասենյակների մարզադահլիճը, համակարգչային սենյակը, կահավորվել էր ճաշարանի դահլիճը , եւ այլն:  

Նախաձեռնության հեղինակը՝ դարձյալ հայրենասեր, մարդասեր ու ազգասեր Արթուր Ղազարյանն էր,  ու նրա եղբայր՝ Անդրանիկ Ղազարյանը,   ովքեր իրենց միջոցներով հերթական անգամ 157 դպրոցական ունեցող դպրոցի դասարանները կահավորել էին  բոլորովին նոր գրատախտակներով, դասասեղաններով, համակարգչային սենյակը՝ նոր համակարգիչներով, մարզադահլիճը՝ նոր մարզագույքով, իսկ խոհանոցը՝ խոհանոցային նոր պարագաներով:

Իսկ այս եւ այլ նմանատիպ բազում բարեգործական ծրագրերից ու նախաձեռնություններից հետո, ամենեւին պատահական չէ, որ հայտնի հեղինակություն Արթուր Ղազարյանը մշտապես արժեվորվել  ու գնահատվել է նաեւ  իր հայրենի մարզի կողմից, եւ ոչ միայն... Ղազարյանը՝ Բերդ քաղաքի պատվավոր քաղաքացի է, ով  բազում  պատվոգրեր ու շնորհակալագրեր է ստացել մարզային իշխանությունների,  եւ  մի շարք գերատեսչությունների կողմից՝ սպորտի, մշակույթի ու գիտելիքի բնագավառում ցուցաբերած իր մեծ ավանդի ու ուշադրության համար:

Հաջորդիվ կխոսենք նաեւ Արթուր Ղազարյանի անցած ուղու ու նրա ճանապարհի մասին, որը վստահ ենք կհետաքրքրի մեր ընթերցողներից շատ-շատերին: