«Մեյմանդար»-ի Շուկան իդեալական է բոլորի համար, թե՛ մաքրության, թե՛ ստեղծված ժամանակակից պայմանների առումով
Արձագանքում են գնորդները...
Օրերս, անդրադարձել էինք, Արմավիրի մարզի (ԳԱՅ) համայնքի վարչական տարածքում գտնվող եւ այսօր լուրջ մասսայականություն վայելող «Մեյմանդարի» հայտնի բնամթերքի մեծածախ շուկայի գործունեությանը, նշելով, որ տարիների հետեւողականության ու սեփական ներդրումների հաշվին այն ընդլայվում եւ արդիականացվում է՝ արձանագրելով նոր հաջողություններ եւ ձեքբերումներ:
ՄԵՅՄԱՆԴԱՐԸ՝ ՄՐՑԱԿԻՑ ՉՈՒՆԻ
Ներկայացրել էինք նաեւ, որ «Մեյմանդարի» շուկայում ստեղծված են բոլոր նպաստավոր ու հարմարավետ պայմանները. թե՛ գնորդների, թե՛ առեւտրականների, եւ թե՛ շուկա այցելող ցանկացած մեկի համար, ով կորոշի ոտք դնել «Մեյմանդար»: Շուկան, իր առաջարկած պայմաններով ու որդեգրած խաղի կանոններով չի զիջում եվրոպական զարգացած երկրների բնամթերքների շուկաներին:
Եւ դա է այն արդարացի պատճառը, որ «Մեյմանդար»-ը մրցակցության տեսանկյունից ինքն է թելադրում կանոնները, լինելով համար մեկը՝ ոլորտում:
Տեղում նաեւ պարզել էինք, որ «Մեյմանդարի» հայտնի բնամթերքի մեծածախ շուկայում առեւտուր կազմակերպելու նպատակով, շուկա այցելում են ոչ միայն ՀՀ-ի ամենատարբեր մարզերից, այլ նաեւ հարեւան Վրաստանից, Իրանից, եւ մի շարք այլ վայրերից:
Արձանագրել էինք նաեւ այն փաստը, որ «Մեյմանդար»-ի շուկայում մաքրությունն ու կարգ ու կանոնը համար առաջին տեղում են՝իհարկե շուկայի տնօրինության խստապահանջության եւ սրտացավության շնորհիվ:
Մենք նաեւ խոստացել էինք ներկայացնել գնորդների տեսակետը՝ «Մեյմանդար»-ի շուկայի առաջարկած պայմանների, եւ առհասարակ շուկայի գործունեության հետ կապված, որն էլ ներկայացնում ենք ստորեւ.
Եւ այսպես, Armenian Info-ի կողմից անցկացված հարցախույզի ընթացքում պարզ դարձավ, որ շուկա այցելող հաճախորդները նախ եւ առաջ ուրախ են շուկայի գնային քաղաքականությունից եւ շուկայում առկա ներկայանալի պայմաններից, որն էլ գրավիչ է գնորդի համար՝ մշտապես առեւտուր կազմակերպել «Մեյմանդար»-ում, այլ ոչ թե մայրաքաղաքի շուկաներում: Ուր, գնորդներից շատերի դիտարկմամբ, «սովետի հոտ է փչում». Հատկապես որ շատ հաճախ մաքրությանը, որակին ու գնին՝փոխարինելու է գալիս աղտոտությունն ու բարձիթողի վիճակը: Եւ ինչպես 46 ամյա Լուսյա Ավագյանը նշեց իր խոսքում. «ինչի՞ մասին է խոսքը. «Մեյմանդար»-ը՝ թիվ մեկն է, եւ վերջ բալիկս, ամեն անգամ այս շուկա ոտք դնելուց զարմանում ենք, թե ինչպես են այստեսակ մաքրություն ապահովում, այստեղսակ կարգ ու կանոն ապահովում, որ մարդ գոհ ու շնորհակալ հեռանում է շուկայից:
Գնորդ, Անուշավան Միրզոյանն էլ, ով Գեղարքունիքից գրեթե ամեն շաբաթ գալիս «Մեյմանդար», նույնպես շեշտը դրեց շուկայի մաքրության, ապահովող անվտանգության ու այն ստեղծված պայմանների վրա, որ մարդուն թույլ են տալիս մարդավարի իր գործը անել՝ հաջորդ անգամ նորից վերադառնալու ակնկալիքով:
Մեր զրուցակիցը, որ սովոր է նաեւ ժամով սնվելուն, ասաց, որ ամեն անգամ Շուկա այցելելիս, պարտադիր օգտվում է «Մեյմանդար»-ի Ճաշարանից, անկեղծանալով որ շատ համեղ եւ մաքուր պայմաններով պատրաստվող ուտելիքի կողքով անտարբեր անցնել չես կարող:
56-ամյա, Անահիտ Սարգսյանն էլ, ով շատ հաճախակի «Մեյմանդար» է այցելում գնումներ կատարելու նշեց, որ այս շուկան իսկապես որեւէ մեկի հետ համեմատելու չէ՝որեւէ առումով:Ապա, հավելեց. «Զոռով-շառով էլ ուզենան մեզ այլ տեղ ցույց տալ՝ չի ստացվի: Էս շուկա մտնում ես. մաքուր, սիրուն, ակուրատնի, դիսցիպլինա կա, շնորհք կա, մոտեցում կա, հարգանք կա: Գյուղմթերնքներն էլ՝ մեկը մեկից ընտիր. լավ ապրանք, համ էլ շատ հարմար ու մատչելի գներով: Բա էսօր մեր Հայաստանում էսքան լավ Շուկան, որ ստեղծել են մեզ համար, քիչ բան ա՞… Ապրեն՝էն մարդիկ, որ էս լավ միտքը կյանքի են կոչել, ու մեզ համար հոյակապ պայմաններ են ստեղծել: Բա գիտես՝ էս շուկայի մաքրության մասին բալես, սաղ աշխարհը գիտի.ասում են՝էնքան մաքուր են պահում, որպես շուկա, որ յուղը թափես՝ կհավաքես, այ տենց մաքրություն կա: Առաջին տեղում ա: Բա ո՞վ չի ուզի սենց ակուրատնի տեղ գա, իրա առեւտուրն անի՝գնա: Շատ ենք հավանում էս Շուկան, ոնց որ մեր տունը լինի: Ամեն շաբաթ պարտադիր գալիս ենք՝հարեւաններով»:
Մինչ փորձում էինք լսել գնորդների կարծիքը, ովքեր մեկը-մյուսին հերթ չտալով բարձրաձայնում էին, որ էս մեր նեղ օրերում «Մեյմանդար»-ը փրկություն ա, առեւտրականներն էլ իրենց հերթին էին կրկին անկեղծանում, որ ապրեն ստեղծողները, տնօրինությունը, որ սենց մարդավարի պայամաններ են ապահովել, ուր կարողանում են գալ՝ շնորհքով առեւտուր անել, աշխատել ու իրենց ընտանիքներին պահել:
Հ.Գ Իրականում, «Մեյմանդար»-ի Շուկան իդեալական է բոլորի համար, թե՛ մաքրության, թե՛ ստեղծված ժամանակակից պայմանների, թե՛ տնօրինության կողմից ցուցաբերած վերաբերմունքի, ուշադրության ու հետեւողականության առումով, որը որ այսօրվա դրությամբ լուրջ առաջընթաց ու ձեռքբերում է: