«Զինվորը պետք է ապրի զինվորական կյանքով, ոչ թե անընդունելի ու դատապարտելի բարքերով». Կ. Հովհաննիսյան
Ռազմագետ Կարեն Հովհաննիսյանը ֆեյսբուքյան իր էջում գրել է. «Զինվորը պետք է ուտի ամենաթարմը, զինվորը պետք է ուտի ամենաորակովը, զիվորը պետք է լինի բոլորի ուշադրության կենտրում, բայց... Բայց զինվորը պետք է գիտակցի, որ գնում է ԶԻՆՎՈՐԱԿԱՆ ծառայության և պետք է ապրի զինվորական կյանքով, ոչ թե ինչ որ անընդունելի ու դատապարտելի բարքերով, զինվորը պետք է գիտակցի, որ հրամանատարների հրամանները ենթակա են կատարման ու դրա մեջ ոչ մի վատ բան չկա, քանի որ դա զինվորական ծառայության մի մասն է: Սիրելի ծնողներ, զինվորների եղբայրներ, ընկերներ, եթե չեք ուզում, որ միջանձնային հարաբերությունների պատճառով ձեր զինվորը կորցնի իր արժանապատվությունը, առողջությունն ու կյանքը, ապա միշտ այս կանոնների մասին հիշեցրեք նրանց»: