ԿԼՈՈՒՆԱԴԱՆ ԱՎԱՐՏԵՔ. ՈՉ ԹԵ ՔՆԵՔ, ԱՅԼ ՔՆՆԵՔ, ԵՒ ԲՌՆԵՔ ԻՐԱԿԱՆ ՀԱՆՑԱԳՈՐԾՆԵՐԻՆ
Մեր Հերոս Տղաների շիրմաքարերի պղծումը՝ չլսված ու խայտառակ այլանդակություն էր, թրքություն ու վանդալիզմ՝ ուղղված մեր պետության ու ազգային ինքնության դեմ:
Եռաբլուրում տեղի ունեցած բարբարոսությունը հատեց բարոյականության գիծը, քանի որ տեղի ունեցածը՝ դաշույնով հարված էր Հայի մեջքին:
Եւ այս վտանգը, դամոկլյան սրի պես այնքան կմնա մեր գլխին կախված, քանի դեռ մեր ներքին թշնամին ոչնչացված չէ…
Իսկ մեր Հերոսների շիրիմները անարգած այսօրվա միաջբիջը՝ 51-ամյա կին ԱՐԱՐԱԾԸ, ով արագ անցավ ոստիկանության կադրով՝ (եւ ում դեմքն անգամ չտեսավ հանրությունը), այս անհասկանալի երկոտանին, այլեւս Սաֆարովի հոգեզավակն է մեր երկրում: Այն երկրում, որի ազատության սահմանները՝ մեր հերոս տղաները, մեր քաջորդիները գծել են արյամբ: Ներեցեք մեզ տղաներ, մեր Հերոսներ, մեր Հերոսների ծնողներ ու հարազատներ, ներեցեք, որ մեր միջի վայրագ ՖԱՇԻՍՏԻ ձեռքը չենք կարողացել բռնել…
Այս եղկելի ու դատապարտելի արարքը, կրկնում եմ. ապտակ է՝ մեր ազգային արժանապատվությանը, մեր լինելիությանը, մեր Հայու գենի պահպանությանը:
Եւ այս անպատվությունը կարելի էր կանխել, եթե «Եռաբլուր» Պանթեոնում պատշաճ ծառայություն իրականացվեր: Ու եթե ամիսներ առաջ հայրենի իրավապահները ոչ թե քնեին, այլ քննեին ու բռնեին այն ստորաքարշ հանցագործին, ով անամոթաբար ու լկտիաբար գողություն էր կատարել հերոս Արմենակ Ուրֆանյանի հարազատների ավտոմեքենայից, ապա այս վայրագության ականատեսը՝ գուցեեւ չդառնայինք:
Եւ առհասարակ. էդ որ վեր եք կենում ու Ձեր «ռազմերներից» մեծ հայտարարություն եք անում. հող երկիր, հայրենիք պահելու, ու այն սիրելու մասին, բարի եղեք նախ եւ առաջ պահել ու փայփայել մեր ՈՒԽՏԱՏԵՂԻՆ:
Կլոունադան՝ ավարտեք: Վերջապես լրջացեք, եւ միջոցներ ձեռնարկեք. բավարար հսկողություն, ինչպես նաեւ տարածքի ամբողջական տեսահսկում եւ զինված պահակություն սահմանեք, որպեսզի մոմն արյունի հետ խառնող ԱՐՆԱԽՈՒՄԸ չկարողանա պղծել մեր հավատի եւ զորության ՍՐԲԱՏԵՂԻՆ:
Բոցաշունչ հայտարարություններ անելու փոխարեն, քայլ արեք պարզելու՝ թե քանի ցիստեռ արյուն էր հոսում այդ ԱՆԵԾՔ ՀԱՆՈՂ կնոջ օրգանիզմում, որ բավականացրեց բազում շիրմաքարեր պղծելուց հետո, պղծելու նաեւ մեր Հերոսների շիրիմները Եռաբլուր Պանթեոնում՝ մեն-մենակ…
Կարծում եմ, շատ արագ եւ օպերատիվ կերպով պետք է պարզել, թե ի՞նչ հիվանդությամբ է տառապում 51-ամյա այս ԴԵՐՎԻՇԸ, ով մի «պոլկ» ԱՆԱԴԵԿՎԱՏԻ գործ է հասցրել անել այս ժամանակահատվածում:
Հ.Գ
Անհամբեր սպասում ենք Առողջապահության նախարարության արձագանքին. շուտափույթ պատասխաններ տալու՝ 51-ամյա այս ԳՏՆՎԱԾԻ առողջական խնդիրների վերաբերյալ: Հասկանալու՝ ՄԵՂՍՈՒՆԱԿ է՞, թե՞ ոչ այս ՄՈԼԱԳԱՐԸ, որպեսզի կողմնորոշվենք. թե որ կառույցներին ենք հասցեագրելու մեր հաջորդ հարցադրումները:
Հ.Գ1
Հազար ասեցինք. ֆեյք բռնելուց , վոյաժներ անելուց, Ձեզ պարգեւատրելուց առաջ. մտածեք երկրի անվտանգության, ՀՀ քաղաքացու, եւ վերջապես մեր ՍՐԲՈՒԹՅՈՒՆՆԵՐԻ մասին: