Ո՞վ է թույլ տվել ոստիկաներին ներխուժել մարդկանց օբյեկտներ, քաշքշել ու հայհոյել մարդկանց, մասնավորապես ոստիկանապետի տեղակալ Աշոտ Գրիգորյանին. բացատրեք խնդրեմ, պարո՛ն Օսիպյան
Ֆեյսբուք սոցիալական ցանցում ժամեր առաջ ուշագրավ ահազանգ-գրառում է կատարել «ԷՅ ԷՄ» իրավաբանական ընկերության Գյումրու մասնաճյուղի գրասենյակի ղեկավար-բաժնետեր Կարապետ Պողոսյանը գրելով. <<Երեկ երեկոյան, 22:30 ոստիկանական բեզպրիդելը հարձակվել է իմ գաղափարական ընկերոջ, ակտիվ ընդդիմադիր Գարիկի «Շեկոյի» խանութի վրա, կադրերում Ոստիկանության Շիրակի մարզային վարչության պետ Աշոտ Գրիգորյանը և Ոստիկանութան Գյումրու Մուշի բաժնի պետ Խորեն Բարխոյանն են, խանութում քաշքշել են աշխատակիցներին և Վրաստանի քաղաքացի հանդիսացող հաճախորդներին...»:
Իսկ Ոստիկանությունից կարծես թե հերթապահ պատասխան է հնչեցրել,ասելով հետեւյալը. Է . «Տեսանյութերն ուսումնասիրվում են»:
Վերը նշված ոստիկանական բեսպեդելը վրդովվեցրել է Շիրակի ժողովրդին, եւ վերջիններս պահանջում եւ ակնկալում եմ անձամբ Վալերի Օսիպյանի արձագանքը կատարվածի վերաբերյալ:
NewsMedia-ի հետ զրույցում ասաց ծնունդով գյումրեցի, հայտնի պատմաբան, քաղաքական վերլուծաբան ԳԱԳԻԿ ՀԱՄԲԱՐՅԱՆԸ, եւ ներկայացնելով իր ունեցած տեղեկությունները դեպքի մասին նկատեց.
-Առաջին հերթին զարմացած եմ, որ մինչ այս պահը Ոստիկանությունը որեւէ պաշտոնական արձագանքով հանդես չի եկել: Լրատվամիջոցներով ընդամենը իրենց ոստիկաների պահվածքը փորձել են բացատրել նրանով, որ իբր խիստ հսկողություն է, եւ որ իրենք իբրեւ թե փորձել են այդ խանութում՝ որտեղ մսամթերք է վաճառվում, սառը զենք գտնել: Սա ուղղակի ծիծաղելի է: Խանութում, որտեղ մսամթերք են վաճառում՝ պատկերացրեք, թե ինչքան սառը զենք կարող էր լինել: Սա ինչ ծիծաղելի պահվածք է, պարոնա՛յք:
Մեր զրուցակիցը ընդգծում է նաեւ.
-Շատ տխուր կլինի, եթե իրոք պարզվի, որ այս ամենը քաղաքական ենթատեքստ ունի, որովհետեւ այդ օբյեկտի սեփականատերը ակնհայտ ըննդիմադիր հայացքներ ունեցող անձ է: Ով բացահայտ քննադատում է գործող իշխանություններին: Եթե այս ամենի հետեւում իրոք քաղաքական ենթատեքստ կա, ուրեմն գործող իշխանությունները, ինչպես նաեւ հասարակությունը, շատ խորը մտածելու տեղիք ունեն: Որովհետեւ ոստիկանների այս պահվածքով ապացուցվում է, որ ՀՀ-ում ոչինչ չի փոխվել: Որովհետեւ տեսանյութը դիտելիս ակնհայտ է դառնում, որ տարրական հարձակում էր օբյեկտի վրա: Խոհարարին կարելի է ասել ոստիկանները ծեծեցին, ո՞վ է թույլ տվել ոստիկաններին մարդուն հայհոյել:
Անդրադառնալով ոստիկանապետի տեղակալ Աշոտ Գրիգորյանի պահվածքին, հայտնի վերլուծաբանը նկատեց.
-Բացարձակ չզարմացա այդ անձի պահվածքից, որովհետեւ ինքը Շիրակի պետհամալսարանի նախկին ռեկտոր, կարկառուն ՀՀԿ-ական Սահակ Մինասյանի մտերիմ ընկերն է: Եվ երբ մենք ժամանակին՝ 2017թվականի սեպտեմբերի 25-ին բաց նամակով հանդես եկանք, այդ Աշոտ Գրիգորյանը Մինասյանի կաբինետից դուրս չէր գալիս: Երեւի խորհրդակցում էին միմյանց հետ, թե ինչ կարելի է սարքել մեր գլխին: Ես հույս ունեմ, որ Վալերի Օսիպյանը անձամբ կարձագանքի այս ամենին, եւ կոնկրետ ոստիկանապետի տեղակալին դուրս կշպրտի համակարգից: Իսկ մյուսների մասով. թող երկար-բարակ մտածեն եւ պատասխանեն մեզ՝ հանրությանը, թե ով է թույլ տվել ոստիկաններին մարդկանց անձնական վիրավորանքներ տալ: Եթե սովորական քաղաքացին ոստիկանին վիրավորի, կամ ընդամենը մատով կպնի՝ այդ անձին կմեղադրեն բազմաթիվ հանցագործությունների մեջ, եւ կտանեն երկար տարիներով կնստեցեն միայն նրա համար, որ հակադարձել է. ուժ է կիրառել իրավապահների նկատմամբ: Եվ ամենակարեւորը, ո՞վ է թույլ տվել ոստիկաներին ներխուժել մարդկանց օբյեկտներ, քաշքշել ու հայհոյել մարդկանց, մասնավորապես ոստիկանապետի տեղակալին. բացատրեք խնդրեմ՝ պարոն Օսիպյան: Հիմա շատ լավ կլինի, որ Վալերի Օսիպյանը նմաններին դուրս շպրտի համակարգից եւ քրեական գործ հարուցվի՝ խուլիգանության հոդվածով, որովհետեւ այն ինչ մենք տեսանք դա խուլիգանություն է: