«Հարգելի՛ս, փոխիր մասնագիտությունդ. մանկավարժ չեն դառնում, մանկավարժ ծնվում են». Հերոսի մայրը՝ 43 տարվա մանկավարժը. արձագանքում է թիվ 75 դպրոցում կատարվածին
«Այս տիկինը, ո՞ր բարոյական, հոգեբանական, մանկավարժական իրավունքով է հանձն առել մատաղ սերնդին ուսումնադաստիարակչական բարդ, պատասխանատու, բայց միեւույն ժամանակ ուսուցչին հարիր նվիրական աշխատանքը»,- անդրադառնալով (NewsMedia.am-ի կողմից հրապարակված) եւ համացանցը ցնցած թիվ 75 դպրոցում սովորող 10-ամյա աշակերտուհու նկատմամբ դրսեւորած մանկավարժի ոչ հարիրի պահվածքին, ասաց 2016 թվականի հունվարի 9-ին թշնամու գնդակից զոհված ԱՐԱՄԱՅԻՍ ՈՍԿԱՆՅԱՆԻ մայրը՝ ԱՆՈՒՇ ՀԱԿՈԲՅԱՆԸ, նկատելով.
-Միթե այդ երեխաների բնավորության գծերը, խառնվածքը, հուզական էմոցիոնալ վիճակը, հետաքրքրությունների աբստրակտ աշխարհը, մանկական միամտությունները` բնավ չեն հետաքրքրել տվյալ մանկավարժին: Ցավում եմ` շատ եմ ցավում, որ նման մարդիկ ուղղակի աշխատում են գումար վաստակելու համար: Բա որտե՞ղ է յուրաքանչյուր երեխայի նկատմամբ անհատական մոտեցումն ու անհատական աշխատանքը: Ու եթե դու չես ուսումնասիրել տվյալ երեխայի ներաշխարհը, ինչպե՞ս կարող ես աշխատել նրա հետ: Չէ ո՞ր դո՛ւ, հարգելի մանկավարժ. պետք է ստեղծես աշակերտ-ուսուցիչ, ուսուցիչ-աշակերտ փոխադարձ սիրո եւ հագանքի հարթակը: Ձեւավորես այդ հարթակը` համոզված լինելով, որ երեխաները քոնն են, իսկ դու երեխաներինը: Եւ ամեն անգամ ցանկացած դասարան մտնելիս՝ նրանք պետք է սպասեն քեզ մանկան սրտի անմեղ թրթիռով: Հարգելիս, փոխի՛ր մասնագիտությունդ, մանկավարժ չեն դառնում, մանկավարժ ծնվում են:
Նկատենք, որ հերոսի մայրը՝ տիկին Անուշը 43 տարվա մանկավարժ է, որից տասը տարին աշխատել է որպես մանկապարտեզի տնօրեն: Ապա երեսուն տարի շարունակ՝ անձնուրաց նվիրումով աշխատել է Գավառի մանկատանը, որովհետեւ նրան հուզել է երեխաների ճակատագիրը…Ու ինչպես տիկին Անուշն է նկատում, մեզ հետ զրույցում.«Ինձ հետաքրքրել է այդ երեխաների մութ՝ թաքնված պատմությունները, թե ինչպես են իրենք հայտնվել մանկատանը: Իմ կրթած, դաստիարակած սերունդը` այսօր սփռված է աշխարհի տարբեր մասերում, բայց կապը ինձ հետ մինչ օրս շատ ջերմ է պահում»:
Տեղեկացնենք, որ մեր Հերոսի ՝Արամայիա Ոսկանյանի զոհվելու մասին լուրն իմանալուց հետո, տիկին Անուշը ազատվել է աշատանքից, եւ այսօր նրա համար միակ սփոփանքը՝ իր որդու մասին հիշողություններն են ու հպարտության զգացումը:
Հ. Գ
Հիշեցնենք, որ ավելի վաղ NewsMedia.am-ը անդրադարձել էր թիվ 75 դպրոցում սովորող 10-ամյա աշակերտուհու «գլխին եկածին», որի հետ կապված մանրամասներ էր ներկայացրել աղջնակի մայրը` տիկին Զառան:
Տիկին Զառան մանրամասն ներկայացրել էր, թե ինչի միջով են անցել փոքրիկ աղջնակն ու իրենց ընտանիքի անդամները, մատնանշելով որ մաթեմատիկայի ուսուցչուհի Աննա Արամյանի կողմից երեխային հասցված վիրավորանքների, ու բարոյահոգեբանական ճնշումների արդյունքում՝ 10-ամյա աղջնակը ծեծել է ոչ թե հոգեբանների, այլ հոգեբույժների դուռը:
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
Սահմանազատման երեք տարբերակ է քննարկվել
Ադրբեջանն Ալմա-Աթայի հռչակագրից հրաժարվելու հիմքեր է ամրագրել, որ ավելին ստանա Հայաստանից
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները»
«Այս իշխանությունը «կաղ բադիկ է», գնացող, խնդիրը զուտ արտաքին և ներքին քաղաքական որոշումն է». «Փաստ»
«Ամեն օր եկեղեցում մոմ էի վառում ոչ միայն իր, այլ մեր բոլոր տղաների համար. երբեք չեմ ցանկանա, որ որև...
