«Դիրք պահող տղան` գիտակցված գնում է մահին ընդառաջ».Հերոսի Մայր
«Ես ուզում եմ անդրադառնալ ինձ համար ամենասիրել հերոս Արմենակ Ուրֆանյանի մայրիկի հարցազրույցում տեղ գտած հետեւյալ նախադասությանը. «Ինձ պատմել են, որ օրինակ նման գողական մտածելակերպով ծառայող տղաները` շատ ժամանակ թույլ կամքի տեր տղաներին հանում են բլինդաժի վերեւը ու ասում` էնքան ես կանգնելու, մինչեւ թուրքը քեզ խփի, մինչեւ չգիտեմ ինչ արվի» նախադասությանը:
Որովհետեւ այս նախադասությունը ոչ միանշանակ է ընդունվել մեր` մատական հերթապահության ժամանակ հակառորդի կրակոցից ընկած հերոս տղաների մայրերի մոտ»,-Newsmedia.am-ի հետ զրույցում ասաց 2016 թվականի հունվարին`թշնամու դավադիր գնադկից զոհված, Գավառում ծնված հերոս Արամայիս Ոսկանյանի մայրը` Անուշ Հակոբյանը մանրամասնելով.
-Որովհետեւ այդ հայտարարությունից կարելի է ենթադրել, որ թշնամու դիպուկահարի կրակոցից զոհված տղաները թուլակազմ են, եւ որ իրենց կարող էին հանել կանգնեցնել դիրքում, ու հրամայել, որ իրենք կանգնեն այնքան ժամանակ` մինչեւ որ թուրքը իրենց կխփի:
Ես, որպես հերոս Արամայիս Ոսկանյանի մայր, ով իր որդու հետ մտել է ծառայության 2014թվականից մինչ օրս.արդեն վեցը տարի ծառայում եմ Մարտունի 3-ում, կարող եմ վստահ ասել` պոստ պահող տղան երբեք թուլակամ չի կարող լինել:
Իմ որդին ասում էր, որ կան տղաներ, ովքեր դիրք բարձրանալիս լացում են, որ իրենք չեն կարողանում գիշերը 2-6 պոստ պահել: Ասում էր, այդպիսի տղաներին իջացնում են զորամաս, որ իրենք զորամասում այլ գործեր անեն:
Որդիս ասում էր. «Մամ ջան, դիրքը 50 մետր հեռավորություն ունի թուրքից, ու երբ իրենք խոսում են` մենք լսում ենք: Բայց երբ մենք ենք խոսում` նրանք մեր ձայնից մահու չափ սարսափում են. որովհետեւ գիտեն, որ մեր ոգին ա ուժեղ»: Երբեք-երբեք չպատկերացնեք, որ վախկոտ զինվորը կարող է պոստ պահել, նման բան գոյություն չունի: Դիրք պահող տղան գիտակցված գնում է մահին ընդառաջ:
Ի դեպ, Հերոս Արամայիս Ոսկանյանի մայրը՝Անուշիկ Հակոբյանը նախօրեին ՖԲ իր էջում հրապարակել էր իր եւ Հերոս Արամայիս Ոսկանյանի միջեւ տեղի ունեցած ուշագրավ զրույցը, որն էլ ներկայացնում ենք ստորեւ.
Հիշեցնենք, 2016թ. հունվարի 9-ին` ժամը 21:30-ի սահմաններում, ՊԲ արեւելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, մահացու հրազենային վիրավորում ստացախ ՊԲ զինծառայող, 1996թ. ծնված Արամայիս Յուրիկի Ոսկանյանը Գեղարքունիքի մարզի Գավառ քաղաքից էր:Արամայիսը սովորում էր Երեւանի Պետական ագրարային համալսարանում։
Լեռնային Ղարաբաղի Հանրապետության պետական սահմանը պաշտպանելիս ցուցաբերած արիության համար ԼՂՀ պաշտպանության բանակի N զորամասի շարքային Արամայիս Ոսկանյանը հետմահու պարգեւատրվել է «Մարտական ծառայություն» մեդալով։