Նոր ուշագրավ մանրամասներ ոստիկանական բաժանմունքում խոշտանգված տարեց տղամարդու գործով եւ ոչ միայն

Փաստաբան Լուսինե Զեյնալյանը, երեկ ֆեյսբուքյան իր էջում հրապարակել էր տեսանյութ, որտեղ ծեծի ենթարկված մի տղամարդ՝ Սիսիանի ԲԿ-ից պատմում էր, որ իրեն ծեծի է ենթարկել Սիսիանի ոստիկանապետի պաշտոնակատարը։
Տղամարդը պատմում էր, որ իրեն նախօրեին գողության կասկածանքով տարել էին ոստիկանություն, որտեղ ոստիկանապետն իրեն ծեծի էր ենթարկել՝ ստիպելով, որ խոստովանի կատարած գողությունը և ցույց տա գողոնի տեղը։ Ընդ որում, տղամարդը վստահեցնում է, որ ինքը գողությունը չի կատարել։

Կատարվածի շուրջ, այլ մանրամասներ ճշտելու համար, NEWSMEDIA.am-ը փորձեց կապ հաստատել ծեծի ենթարկված տղամարդու փաստաբան ԼՈՒՍԻՆԵ ԶԵՅՆԱԼՅԱՆԻ հետ, ով մեզ հետ զրույցում ասաց հետեւյալը.

-Խոշտանգման հետ կապված հաղորդումը երեկ է տրվել. այժմ նախապատրաստվում են նյութեր, սպասում ենք դատաբժշկի եզրակացությանը: Դատաբժշկի եզարակացությունը ստանալուց հետո արդեն, վարույթն իրականացնող մարմինը ինքը կորոշի՝ թե որ հանցակազմի հատկանիշներով է որակվելու տվյալ հանցագործությունը, որովհետեւ պապիկը ունի մարմնական վնասվածքներ:

Իհարկե, մենք այլ հանգամանքներ էլ ունենք, պարզապես նոր է հարուցվում քրեական գործը՝ չեմ ցանկանա դրա մասին անդրադառնալ, որպեսզի հասանելի չդառնա իրենց եւ չփորձեն դրանք վերացնել: Երբ նյութերը նախապատրաստվեն, որոշակի ապացույցների հետ կապված՝ նոր հաղորդումներ կտանք վարույթն իրականացնող մարմնի գործողությունների դեմ, եւ այդ ժամանակ դրա մասին էլ կխոսեմ:

-Այդ հանգամանքները վերաբերում են ոստիկանների գործողությունների՞ն, թե՞...

-Այ՛ո, վերաբերում են ոստիկանների գործողություններին: Ի դեպ, նույն ոստիկանական բաժանմունքում ծեծի են ենթարկվել եւս երեք անձ, որը ոստիկանները ներկայացնում են, թե իբր պարետի թերթիկի բացակայության պատճառով են ծեծել, ինչը իրականությանը չի համապատասխանում: Թուղթը եղել է եւ չեն ստուգել, ոււղղակի դրանից առաջ նրանք խնդիր են ունեցել: Անգամ ինչքան գիտեմ երեքից մեկը հոգեւորական է:

Ն. ԱԴԱՄՅԱՆ 

NewsMedia.am

Լուրեր  Հայաստանից եւ աշխարհից