«Կյանքից մահ` մեկ վայրկյան է մեզ բաժանում, որի համար երկնչել պետք չէ»
«Դիվանագիտական ճանապարհով՝մենք մեր խնդիրը փորձել ենք լուծել 30 տարի առաջ. այլեւս ուշ է: Ոչինչ չարվեց 30 տարիների ընթացքում, եւ հիմա մենք խոսում ենք դիվանագիտական հաղթանակների մասի՞ն: Դա միֆ է»-NEWSMEDIA.am-ի հետ զրույցում ասաց ԱՐԱԲՈ ջոկատի հրամատար Մանվել Եղիազարյանը, անդրադառանալով ՀՀ վարչապետ Փաշինյանի կողմից արված այն հայտարարությանը, որ .
այն ինչ մեզ համար ընդունելի է, Ադրբեջանի համար այլևս ընդունելի չէ, եւ որ գոնե այս փուլում դիվանագիտական լուծման մասին խոսելն անիմաստ է
գոնե այս փուլում:
Հրամանատարը, մեզ հետ զրույցում պնդեց, որ.
-Պետք է ավելի հուժկու հակահարված տանք թշնամուն. 5 օր, 10 օր, պետք է շարունակենք այնպիսի հակահարված տալ, այնպիսի պայքար տանել, որպեսզի կարողանանք հաղթանակ տանել նաեւ դիվանագիտական կորպուսում: Մենք ապացուցում ենք աշխարհին՝ թե հայն այսօր ինչի է ընդունակ: Սա դեռ սկիզբն է. մենք պետք է այնպիսի կռիվ տանք, որ հակառակորդը մոռանա պատերազմի մասին: Աշխարհը ինչու այլեւս չի կարողանալու լռել. որովհետեւ տեսնում են, որ հայը կռվում է ոչ միայն բարբարոս ադրբեջանցու, այլ նաեւ հայատյաց թուրքի, վարձկան ահաբեկիչների ու մարդասպանների դեմ:
Եւ այդ կռիվը, հայ զինվորը տալիս է՝ քրիստոնյայի փրկության համար: Դրա համար ամբողջ հայությունը պետք է միավորվի. պետք է այնպիսի ճակատ կազմենք, որ թուրք-բարբարոսները երկար հիշեն հայի այս պատմական հաղթանակի մասին:
Մեր մասնակցությունը, որն այսօր կա. դա մեր համեստ պարտքն է, որ կարող են կատարել մեր հայրենիքի առաջ: Մենք ավելին կարող ենք անել: Ու պիտի անենք:
Ու գիտեք, ես ինչ կասեմ. այստեղ կարեւոր չէ, ով ինչքան բան է անում: Այլ կարեւորն այն է, որ ե՛ւ ես, եւ ցանկացած հայ, պատրաստ ենք կյանքով մարտնչելու՝ հանուն մեր հայրենիքի: Պայքարելու ենք հայրենիքի համար՝ մինչեւ վերջ:
Ես էլ հավերժ չեմ ապրելու, աղջիկս: Կապրեմ՝ 5, 10, կամ 20 տարի ավել…կանեմ առավելագույնը: Բայց մենք պիտի գիտակցենք, որ մեզանից յուրաքանչյուրը՝ հանուն մեր հայրենիքի, պիտի անի ամեն բան:
Ես 60 տարեկան եմ. ահակին կյանք եմ ապրել…Գիտակցում եմ մեկ բան. «Կյանքից մահ` մեկ վայրկյան է մեզ բաժանում», որի համար երկնչել պետք չէ: Ես շատ բաներ կա, որ գիտեմ…շատ հարցեր կա, որ ունեմ, բայց այսօր դրա ժամանակը չէ: Ես էլ հարցեր ունեմ մարդկանց, իշխանություններին տալու, բայց այսօր դրա ժամանակը չէ: Ա յսօր քննադատելու ժամանակ չէ. այսօր կա մեկ եւ ընդհանուր խնդիր` շարունակել համախմբվել, եւ թշնամուն արժանի պատասխան տալ: Ի զեն՝ ժողովուրդ ջան:
Այն մարդը, ով իրեն տղամարդ է համարում, եւ ում Աստված առաջինը ստեղծել է. նա պետք է զենք վերցնի ու կռիվ տա:
-Միայն ճակատում ե՞նք շարունակելու կռվել, համախմբվել պարոն Եղիազարյան, թե՞…
-Մենք մեր հաղթանակը, պիտի կռենք ամեն տեղ: Հիմա մենք մեկ խնդիր ունենք՝ ՀԱՂԹԵԼ:
Եւ ինչու՞ միայն զենքով: Տղամարդը կարո՞ղ է խրամատ փորել, կարո՞ղ է ջուր հասցնել, կարող է ինչ-որ մի բան անել…ուրեմն դա պիտի անի, ուրեմն իրար կողք-կողքի պիտի կանգնենք, ու հակառակորդին վերջնական ծնկի բերենք:
NEWSMEDIA.am
Լուրեր Հայաստանից եւ Աշխարհից