Հայ ժողովուրդը իր վճռական կամքով կսանձի Թուրքիայի ամենաթողտվությունը, եթե դա չի անում միջազգային հանրությունը. S. ՊԱՐԹԵՎ ՎԱՐԴԱՊԵՏ ԲԱՐՍԵՂՅԱՆ
«Ինչպես 1700 տարի առաջ հայ ժողովուրդը ընդունեց քրիստոնեությունն իբրև պետական կրոն և բեկումնային փոփոխություններ բերեց տարածաշրջանում, այդպես էլ այսօր իր վճռական կամքով կսանձի Թուրքիայի ամենաթողտվությունը, եթե դա չի անում միջազգային հանրությունը»,-Newsmedia.am–ի հետ զրույցում անդրադառնալով ռազմաճակատում մարտնչող մեր հերոս տղաների կյանքի գնով տարվող պայքարին, ասաց ԳԵՂԱՐՔՈՒՆՅԱՑ ԹԵՄԻ ԱՌԱՋՆՈՐԴԱԿԱՆ ՏԵՂԱՊԱՀ, S. ՊԱՐԹԵՎ ՎԱՐԴԱՊԵՏ ԲԱՐՍԵՂՅԱՆԸ.
Ապա անդրադառնալով հոգեւորականների դերին Հայր Սուրբն ասաց.
-Հայ հոգևորականի դերը ընդհանրապես խաղաղություն քարոզելն է, բայց այսօր՝ խաղաղության համար պայքարելն է։ Հայ ժողովուրդը, ինչպես ազգիս Վեհափառ հայրապետն ասաց, խաղաղասեր ժողովուրդ է , և այսօր հարկադրված է պայքարել՝ ի խնդիր խաղաղության. հետևաբար՝ հայ զինվորն էլ խաղաղության մարտիկ է։ Ինչպես Ավետարանն է ասում. §Երանի խաղաղարարներին, որովհետև նրանք Աստծո որդիներ պիտի կոչվեն¦ (Մատթ. 5։9)։
Հայ ժողովրդի օրհասկան պահերին հայ հոգևորականը միշտ էլ եղել է իր հոտի կողքին՝ իր Խաչով և անհրաժեշտության դեպքում իր զենքով` իրականացնելով և հոգեփրկչական և ազգապահպան առաքելություն։ Դրա վառ վկայությունը մեր պատմության հաղթական և հերոսական դրվագներն են` Ավարայրում, Սարդարապատում և Շուշիում: