Ականի պայթյունից վիրավորված մեր զինհաշմանդամը ՝ օգնության կարիքն ունի. մի քանի օրից նա կարող է դրսում հայտնվել՝ անչափահաս դուստրերի հետ միասին
NewsMedia.am-ի խմբագրությանն է դիմել 1982 թվականին ծնված Էդուարդ Ավագյանը, ով 2001 թվականին զինվորական պարտականությունները կատարելիս, ականապայթյունից դարձել է հաշմանդամ, ունի 3-րդ կարգի հաշմանդամություն, իսկ 2008 թվականից դեռեւս հերթագրված է եղել բնակարանի համար:
Ընտանիքը՝ կինը եւ երկու երեխաները, տեւական ժամանակ է, ապրում են վարձով՝ Աբովյանում քաղաքում: Քիչ առաջ, տեղեկացանք, որ այս պահին ընտանիքն իսկապես օրհասական իրավիճակում է հայտնվել, եւ իրականում Էդվարդը՝ բարի ու սրտացավ մարդկանց օգնությանն կարիքն ունի:
Էդվարդ Ավագյանի՝NewsMedia.am-ին հասցեագրված նամակը՝ ներկայացոնւմ ենք ստորեւ.
Սիրելի հայրենակիցներ. ՀՀ-ում եւ սփյուռքում ապրող սիրելի իմ բարեկամներ, ես ինձ ծայրաստիճան վատ եմ զգում, որ այս օրհասական պահին դիմում Ձեզ դիմելու, եւ անհանգստացնելու համար, բայց հավատացեք, այլընտրանք չունեմ: Ես իսկապես, այս պահին Ձեր օգնության կարիքն ունեմ, ընտանիքս, եւ երկու երեխաներս՝ինձ հետ միասին հայտնվել ենք ծայրահեղ անելանելի վիճակում:
Ուզում եմ Ձեզ տեղեկացնել, որ 2001 Թ ԼՂՀ N զորամասում (առաջնագծում), մարտական հենակետում հատուկ հրամանով, գիտակցաբար կատարել եմ ականազերծման հրաման, որից հետո ականի պայթունից վիրավորվել եւ դարձել եմ զին հաշվանդամ:
2008 թվականից՝ ինձ մոտ սրվել է կոնտուզյան , եւ այն հասցրել է անկողին: Մոտ 10 տարիէ , ինչ ապրում ենք այս տխուր ու մութ իրականության մեջ . քանի որ միակ աշխատուժը ընտանիքում ես էի, բնականաբար ընտանիքիս եւ երկու անչափահաս երեխաներիս ուղեկցել են բազում անասելի սոցիալական ու բարոյահոգեբանական լուրջ խնդիրներ:
Ու քանի որ տարիների ընթացքում դարձա անաշխատունակ, ինձ օգնության հասան իմ ընկերները, ովքեր ուղղակի սովորական, հասարակ ապրող մարդիկ են: Բայց քանի որ հիմա երկրում վիճակը վատթարացել է, ու ընկերներս էլ այլեւս լուրջ խնդիրների ու պրոբլեմների առաջ են կանգնած, ես այսօր մնացել եմ միայնակ՝իմ կուտակած պարտքերի, խնդիրների ու պրոբլեմների հետ միասին:
Մոտ 20 տարի է, ինչ ընտանիքս ապրում է վարձով, իսկ բնակարանի հերթի ցուցակում՝ չգիտեմ ինչու եւ ինչպես անընդհատ խնդիրները ձգձգվում են:
Այսօր, արդյունքում բալիկներիս՝զույգ աղջիկներիս հետ միասին կանգնած ենք դրսում հայտնվելու վտանգի առաջ. Արդեն երկու ամիս է. չեմ կարողանում
վճարել բնակարանիս վարձը , և բնակարանիս տերը չի կարողանում սպասել, քանի որ նրանք էլ տարեց մարդիկ են և իրենց միակ հույսը՝ այս վարձն է:
Բնակարանիս մեկ ամսվա վարձը ամսվա վճարը 60000 դրամ է, հիմա ես չեմ կարողանում գտնել նոր բնակարան, իսկ այս տունը լքելու դեպքում՝ ստիպված ենք լինելու հայտնվել դրսում:
Հետագա խնդիրների մասին, էլ չեմ էլ ուզում պատկերացնել, քանի որ սարսափելի իրողության մեջ ենք հայտնվել:
Սիրելի իմ հայեր, բարեգութ մարդիկ.խնդրում եմ Ձեզ. եթե հնարավոր է ձեռք մեկնեք՝ այս ձմռան շեմին երեխաներիս հետ չհայտնվեմ դրսում: Անկեղծ ասած ՝ միշտ ամաչել եմ իմ հաշմանդամության մասին և Հայրենիքիս տված պարտքի մասին խոսել, և միշտ ամաչել եմ խնդրել՝ ինձ օգնելու, քանի որ ցանկացել եմ լինել ՀՀ լիարժեք քաղաքացի և հայի ընտանիքի հայր, ով ինչ-որ կերպ կկարողան իր երեխաներին սատար կանգնել: Բայց, ցավոք սրտի իրավիճակն առավել քան բարդ է, որքան որ ինձ թվում էր:
Այսօր, ստիպված եմ գնում այս քայլին, ներեք ինձ. Անհամեստության, անհանգստության համար, պարզապես խնդրում եմ ինձ հասկացեք.անկարելի է աչքերս թաքցնում եմ դուստրերիցս, որ չտեսնեն արցունքներս,քանի որ ընդամենը մի քանի օր հետո հայտնվելու ենք դրսում:
Խնդրում եմ, եթե կարող եք խավարի մեջ՝մեկ մոմ վառեք : Ես նորից կդիմեմ Ձեր խմբագրությանը, եւ կխնդրեմ հրապարակել շնորհակալությունս բոլորից, ովքեր ինձ ձեռք կպարզեն: Անկախ ամեն ինչից՝ես շնորհակալ եմ բոլորիցդ, եւ սիրում եմ Ձեզ շատ իմ սիրելի հայ ժողովուրդ, իմ սիրելի սփյուռքահայոթյուն, որ միշտ ՝24 ժամ կանգնած եք հայ ժողովրդի ու մեր նման անկարող ու անելանելի վիճակում հայտնված հայ զինվորի, ու մեր ժողովրդի կողքին: Կից Ձեր խմբագրությանն եմ ներկայացնում իմ առողջական վիճակին վերաբերող փաստաթղթերը, ինչպես նաեւ 2-րդ կարգի հաշվանդամության փաստաթղթերը:
Նախապես շնորհակալ եմ. Էդվարդ Ավագյան
Հ. Գ
Նշենք, որ Էդվարդ Ավագյանի հետ մեր հայրենակիցները կարող են կապ հաստատել հետեւյալ հեռախոսահամարներով
099680008,
095484847