Առաջին գործը Չարենցի դեմ հարուցվել է 1935-ի փետրվարին: Որպես վկա հարցաքննվել է կուսհրատի վարիչ Նշան Մակինցը.Պատրաստել է Սուսաննա Ղազարյանը

ԵՂԻՇԵ ՉԱՐԵՆՑԻ ՄԱՍԻՆ
Ովքեր միայնակ թողեցին Չարենցին, ինչու էր կարծում, որ ինքը միայնակ է և ոչ ոք չունի....
ԵՂԻՇԵ ՉԱՐԵՆՑ
(Մեղադրական գործ 19114, ֆոնդ 837, 198 թերթ)
Ոչ ոքի հետ ես չեմ հաղորդակցվում: Ես ոչ ոք չունեմ: Ես միայնակ մարդ եմ:
ԵՂԻՇԵ ՉԱՐԵՆՑ
Առաջին գործը Չարենցի դեմ հարուցվել է 1935-ի փետրվարին: Որպես վկա հարցաքննվել է կուսհրատի վարիչ Նշան Մակինցը: Դա այն շրջանն էր, երբ Ս. Տեր-Գաբրիելյանին ՀԽՍՀ Ժողկոմխորհի նախագահի պարտականություններից ազատելու կապակցությամբ խզվել էին Չարենցի և Խանջյանի հարաբերությունները: Չարենցը մտավորականների մի խմբի հետ պաշտպանում էր Տեր-Գաբրիելյանին, քանի որ նա լավ գիտեր հայ իրականությունը` տնտեսությունը, պատմությունը, գրականությունը և կարող էր օգտակար լինել հանրապետությանը...
Ն. Մակինցին 1935 թ. փետրվարի 20-ին հարցաքննում են ՆԳԺԿ վարչության պետի տեղակալ Հարությունովը և չորրորդ վարչության պետ Նիկողոսյանը (թերթ 2-5): Հետևենք հարցաքննության ընթացքին.
ՀԱՐՑ. Երբվանից եք դուք ճանաչում գրող Եղիշե Չարենցին, նրա անձնավորության ձեր գնահատականը, ինչպես սուբյեկտիվ տվյալների հայեցակետից, այնպես էլ քաղաքական բնութագրության:
ՊԱՏԱՍԽԱՆ. Համեմատաբար մոտիկից Չարենցին գիտեմ 1927 թ-ից: Սուբյեկտիվ տեսակետից ես նրան համարում եմ արատավոր մարդ:
Իր միտքը հաստատելու համար, որպես օրինակ, նա բերում է մի փաստ, թե ինչպես է 1930 կամ 1931 թվականին Չարենցը իրեն գիշերով զանգահարել տուն և խնդրել գալ հյուրանոց, ուր ապրում էր...
Չարեցի սենյակում սեղանի վրա տեսնում է բանաստեղծի հանգուցյալ կնոջ` Արփիկի գիպսե դիմակը, գիպսե ձեռքը: Ըստ Մակինցի` Չարենցը եղել է հարբած ու հուզված և ասել է, որ ուզում է ինքնասպանություն գործել: Միջանկյալ նշենք, որ բացի անհատական շարժառիթներից, կար նաև իր ժամանակի երկու խոշոր բանաստեղծների` Ս Եսենինի և Վ. Մայակովսկու ինքնասպանության հոգեբանական ներգործությունը: Այս հոգեկան վիճակը Չարենցի կյանքում եղել է ոչ թե պահի ազդեցություն, այլ` տևական զգացողություն:
Մակինցի հետ տեղի ունեցած հանդիպման մղձավանջային գիշերից հետո Չարենցը դիմում է ինքնասպանության փորձի` կտրում է զարկերակը: Ա. Բզնունին այդ դեպքի կապակցությամբ զանգահարում է Մակինցին: Վերջինս կանչում է պրոֆեսոր Քեչեկին, որը և կապում է բանաստեղծի վիրավոր ձեռքը և փրկում նրան...
Հատված Դավիթ Գասպարյանի ,,Փակ դռների գաղնիքը,, գրքից:

Պատրաստեց  բանաստեղծուհի Սուսաննա Ղազարյանը