Մենք պետք է մտածենք այդ աշխարհը պահպանելու մասին, և Կարինային հնարավորություն տանք իրագործելու իր երազները, և հասնելու իր հաջողություններին...
Միասին իրագործենք 14-ամյա Կարինա Պետրոսյանի երազանքները. նա բոլորին օգնության կարիքն ունի
…Լուսանկարում 14-ամյա Կարինա Պետրոսյանն է: Նա դպրոցի լավագույն աշակերտուհիներից է: Ծնվել է 2006 թվականի հուլիսի 19-ին: Սովորել է երաժշտական դպրոցում՝ ավարտելով դաշնամուրային բաժինը: Կարինան երազում է հանրակրթական դպրոցն ավարտելուց հետո սովորել Կոմիտաի անվան պետական կոնսերավատորիայում: Սակայն այսօր նրա հարազատների ու բոլորիս երազանքը մեկն է. կարողանալ անհապաղ միջոցներ ձեռնարկել՝ Կարինայի բուժումը արտերկրում շարունակելու համար:
Մեկ տարի առաջ, այս շնորհալի աղջկա մոտ ախտորոշվել է ծանր հիվանդություն՝ սուր միելոիդ լեյկոզ: Արդեն մեկ տարի է, ինչ բուժում է ստանում Յոլյան հեմատոլոգիայի կենտրոնում, անցել է քիմիաթերապիայի երկու կուրս, ինչն էլ իր հերթին ուղեկցվել է տարբեր բարդություններով: Քիմիոթերապիայի վերջին կուրսին կհաջորդի ալոգենեիկ ցողունային բջիջների փոխպատվաստումը, որի համար պահանջվում է հսկայական գումար՝ մոտ 66 հազար դոլար: Ընտանիքը հասցրել է հավաքել պահանջվող գումարի շատ փոքր մասը միայն (մեր զրույցի պահին այն կազմում էր 8 հազար դոլար): Կարինայի ապաքինման համար այդ անհրաժեշտ վիրահատությունը՝ ոսկրածուծի փոխպատվաստումը չի կարող կատարվել Հայաստանում. Այն իրականացվում է միայն արտերկրում: Իսկ Կարինայի պարագայում դա լինելու է Սանկտ -Պետերբուրգում՝ առաջատար կլինիկաներից մեկում:
Newsmedia.am-ը, աղջնակի հիվանդության ու խնդիրների մասին, զրուցել է Կարինա Պետրոսյանի հայրիկի՝ Հայկազ Պետրոսյանի հետ, որպեսզի մեկ անգամ ևս, ահազանգեք այս անչափ կարևոր խնդրի մասին: Ամեն մարդ չբացահայտված աշխարհ է, ով դեռ չի հասցրել կյանքում ասել իր խոսքը: Մենք պետք է մտածենք այդ աշխարհը պահպանելու մասին և Կարինային հնարավորություն տանք իրագործելու իր երազները, և հասնելու իր հաջողություններին. որոնք , վստահ ենք, միայն իրենը չեն լինելու:
Հայկազ Պետրոսյանը՝ Կարինայի հայրիկը, պատմում է, որ նա լինելով ուժեղ բնավորությամբ օժտված երեխա, վերջին մեկ տարվա դժվարին փորձությունները հաղթահարում է քաջաբար՝ հավատալով հրաշքներին:
Լսենք մեր զրուցակցին.
-Երեխայի մոտ հիվանդությունը բացահայտվել է անսպասելի՝ անցյալ տարվա փետրվարի 10-ին: Ախտորոշումն էր՝ սուր միելոիդ լեյկոզ: Սկզբում որոշեցին ընդհանուր բուժում նշանակել, այլ ոչ թե կատարել ոսկրածուծի փոխպատվաստման վիրահատություն: Յոլյան հեմատոլոգիայի կենտրոնում բուժվել ենք, անցել ենք քիմիոթերապիայի երկու կուրս , ինչն էլ իր հերթին ուղեկցվել է մի շարք բարդություններով՝լյարդի խնդիր, արյան վարակ…: Պետք էր պահպանողական փուլի անցնել, որի ժամանակաշրջանը 5 տարի է: Եթե հիվանդությունը չկրկնվեր, դա կնշանակեր, որ հաղթահարել ենք: Բայց Կարինայի մոտ կրկնվեց, և արդեն անհրաժեշտություն եղավ ոսկրածուծի փոխպատվաստման: Նման վիրահատությունը Հայաստանում չի իրականացվում. դա կատարվում է Գերմանիայում, Իզրայելում, Ֆրանսիայում…Այդ երկրների կլինիկաներում բուժումը շատ ավելի թանկ արժե: Եվ մեզ ուղեգրել են Սանկտ–Պետերբուրգ՝ Ռաիսա Գորբաչովայի անվան արյունաբանական և փոխպատվաստման մանկական ինստիտուտ: Բուժհաստատությունը սերտ կապեր ունի Յոլյան հեմատոլոգիայի կենտրոնի հետ: Այս ժամանակահատվածում Դոնորի խնդիրը նույնպես լուծվել է. ես և կինս անցել ենք հետազոտությունը և պարզել ենք, որ երկուսս էլ համապատասխանում ենք:
Մենք վերջին անալիզները հանձնել ենք 2020 թ. դեկտեմբերին: Մինչ այդ՝ վերջին տվյալներով բլաստները 15 % են եղել: Հիմա ցուցանիշը հասել է 75 %-ի: Ժամանակ չկար, որ տեղափոխվեինք. բժիշկներն առաջարկեցին, որ այստեղ՝ Հայաստանում քիմիա ընդունենք, երեխային պահեն ռեմիսիայի մեջ, որպեսզի կարողանանք տեղափոխել:
Ես արդեն 15-20 օր է զբաղված եմ բժշկական փաստաթղթերը կարգավորելու գործերով: Երբ գնանք արդեն Սանկտ–Պետերբուրգ, ոսկրածուծի փոխպատվաստման վիրահատությունը Աստծո կամոք՝ բարեհաջող կանցնի: Մենք մոտ 3 ամիս, կմնանք Սանկտ-Պետերբուրգի կլինիկայում՝ վերակենդանացման բաժնում: Հետո 3 ամիս էլ ստանալու է հետվիրահատական բուժում: Ուզում եմ շնորհակալություն հայտնել բոլոր հայ բժիշկներին, ովքեր ներդրում են ունեցել, եւ արել են հնարավորն ու անհնարը՝ իմ գեղեցկուհուն կյանք վերադարձնելու համար:
Նշենք, որ Կարինա Պետրոսյանի բժշկական փաստաթղթերին ընթերցողը կարող է ծանոթանալ ստորև նշված հղումների միջոցով: Իսկ Կարինան, շարունակում է իր տարիքից ավելի հասուն մարդու պես հաղթահարել իր դժվարությունները: Հայրիկն իր խոսքում անկեղծանում է, որ ՝նրա կամքի ուժից անգամ բժիշկներն անգամ միշտ զարմացել են:
«Կարինան դեռ փոքր տարիքից էլ շատ զսպված երեխա է եղել», -ասում է Հայկազ Պետրոսյանը ու պատմում, որ իր կյանքի 14 տարիների ընթացքում նա երբեք ընտանիքին որեւէ նեղություն չի տվել. անգամ չարաճճի չի եղել: Նա հրաշալի նկարում է, երազում է շարունակել իր հետագա ուսումը՝ երաժշտության ասպարեզում: Ուժեղ, կամային բարձր հատկանիշներով երեխա է: Նա հավատում է, որ հրաշք է լինելու, և ինքը հասնելու է իր երազանքներին:
…Մենք էլ ենք հավատում, ու սպասում: Նաև մեր նպատակն ու երազանքն է , որ Կարինան արագ ապաքինվի ու շատ շուտով մենք իրեն տեսնենք տարբեր ասպարեզներում… Նրա երազանքները բոլորս պետք է իրագործենք: Եւ ուզում եմ մեր այս անդրադարձն ավարտել հայ գրող, հրապարակախոս Վարդգես Պետրոսյանի խոսքերով.
«Քարերը լեռ են դառնում իրար սեղմվելով միայն և ամեն սյուն պետք է մտածի, որ միայն իր ուսերին է հենվում գմբեթը»:
Հ.Գ. Հարգելի ընթերցողներ,Կարինա Պետրոսյանին Ձեր աջակցությունը ցուցաբերելու համար կարող եք նվիրաբերել.
Idram -594578099
ArCa - 4578 8900 0049 2999
Paypal - [email protected]
Բանկային փոխանցումների համար Ինեկոբանկ, ստացող. Haykaz Petrosyan
2050571423121001 ԱՄՆ դոլար - 2050571423121020 RUB - 2050571423121041 ԵՎՐՈ-2050571423121040Միջազգային տրանսֆերների համար. https://bit.ly/3dLpoY1Բոլոր բժշկական փաստաթղթերը կարող եք դիտել այստեղ. https://drive.google.com/drive/folders/1rYRQYpeRiBLeajB8lLUkcBkHQYegDAMtԿարող եք անմիջապես կապ հաստատել ծնողի՝ Հայկազ Պետրոսյանի հետ՝ այցելելով նրա ֆեսբուքյան էջը ՝ https://www.facebook.com/profile.php?id=100002359758069Փոխանցում կատարելու համար կարող եք անցնել նաև հետևյալ հղումով.
https://www.facebook.com/donate/339691347405045/?fbclid=IwAR1xEV8CdkFL_eIaF08hcMZf09GOQ00IJnU2LN1z6x99DUvGSRF4wdVxREY
Կարող եք նաեւ կապ հաստատել մեր Հրաշք գեղեցկուհու՝ Կարինայի հայրիկի հետ՝ հետեւյալ հեռախոսահամարով.
Հայկազ Պետրոսյան 093 46 16 56
Պատրաստեց՝ Հասմիկ Պողոսյանը
NewsMedia.am
Լուրեր Հայաստանից, եւ աշխարհից