VIDEO. Տեղի ունեցածը նախապես ծրագրված սադրանք է եղել, ադրբեջանցիները կեղծ քարտեզներով են եկել․ Նիկոլ Փաշինյան
Տեղի ունեցածը նախապես ծրագրված սադրանք է եղել, որովհետև ադրբեջանցիներն իրենց հետ ունեն ակնհայտ կեղծված քարտեզներ, որով փորձում են հիմնավորել, թե գտնվում են Ադրբեջանի սահմանում:
Ակնհայտ է, որ այդ քարտեզները կեղծված են, դա երևում է ԽՍՀՄ ժամանակների քարտեզների հետ համեմատությամբ: Իսկ կեղծված քարտեզների առկայությունը ցույց է տալիս, որ սա կազմակերպված սադրանք է: Այս մասին կառավարության նիստում հայտարարեց Նիկոլ Փաշինյանը:
Փաշինյանի խոսքերով, կարևորագույն հարց է, թե ինչպես են ադրբեջանցի զինվորները կարողացել հատել սահմանն ու հասնել Սև լիճ, դա առանձին քննարկման խնդիր է, որը կդիտարկվի: