«ԿՅԱՆՔ ՈՒ ԿՌԻՎ».Հերոսաբար կռվել է թշնամու դեմ.ոչնչացրել թշնամու զինտեխնիկա, նռնակներով ոչնչացրել է տասնյակից ավելի թուրք վարձկանների
ԿՅԱՆՔ ՈՒ ԿՌԻՎ
NewsMedia.am-ը շարունակում է ներկայացնել մերօրյա Հերոսներին
ԱՆՈՒՆ ԱՌ ԱՆՈՒՆ
ՄԵՐՕՐՅԱ ՀԵՐՈՍ ՀԵՆՐԻ ԱՇՈՏԻ ԱՍԱՏՐՅԱՆԸ ծնվել է 20.04 2001թվականին Գյումրիում:Սովորել է Գյումրու թիվ 41 միջնակարգ դպրոցում:
2016 թվականին ընդունվել է «Իմպրոռիթմ վարժարան»-ի վոկալի բաժնում:Ուսմանը զուգահեռ ընդունվել և ավարտել է ԿԳՆ <<Ընտանիք>> մանկապատանեկան ստեղծագործական կենտրոնի դուդուկի բաժինը: Մասնակցել է բազմաթիվ մրցույթ-փառատոնների՝ ելույթ ունենալով տարբեր բեմերում:
2017 թվականին մասնակցել է «Հայաստանի ձայնը» երաժշտական նախագծին :Վերածնունդ փառատոնի բազմակի մրցանակակիր է, ինչպես նաև մասնակցել է Գյումրու Կարա Մուրզայի անվան երաժշտական դպրոցի բազմաթիվ երաժշտական մրցույթներին:2019 թվականին ավարտելով ակադեմիայի վարժարանը, ընդունվում է Երևանի Կոմիտասի անվան պետական կոնսերվատորիայի Գյումրու մասնաճյուղի վոկալի բաժինը:
2019 թվականին վերցնելով տարեկետում ՝զորակոչվում է բանակ եւ անցնում ծառայության Մատաղիսի N զորամասում:Լուսակերտի զինվորական ուսումնական զորամասում անցնելով ականանետի ուսումնական դասընթացներ` ստանում է կրտսեր սերժանտ կոչում,այնուհետև տեղափոխվում Է Արցախ:
Ծառայության է անցնում Թալիշում , ստանձնում է Թալիշի 4-րդ ՀԴԿ(Սիս) դիրքի ավագի պարտականությունը:Զորամասում վայելում էր հրամանատարության հարգանքն ու սերը:Ուներ պատասխանատվության բարձր զգացում. տեսակով ընկերասեր էր,նվիրված հոգատար՝ ընկերների, ծառայակիցների հանդեպ:
2020 թվականին սեպտեմբերի 27ին Ադրբեջանի ԶՈՒ լայնածավալ պատերազմական գործողությունների ժամանակ, մարտական տագնապով բարձրանում է (Սիս)մարտական հենակետ:Հերոսաբար կռվում է թշնամու դեմ՝ ոչնչացնելով թշնամու 3 զինտեխնիկա: Նռնակներով ոչնչացրել է նաեւ տասնյակից ավելի թուրք վարձկանների:Հենրիկն ընտրել է գիտակցված մահը:Վերջին պահին, երբ տանկերը նորից ներխուժում են դիրքեր, Հենրիկը լինելով միայնակ և վիրավոր,դուրս է գալիս խրամատից՝ոչնչացնելով ևս մի տանկի էկիպաժ,սակայն այդ պահին թիկունքից թշնամու արձակած մի քանի կրակոցից ընկնում, եւ անմահանում է Հենրիկը մեր: Թշնամու անհամաչափ զինտեխնիկայի և կենդանի ուժի դեմ կատաղի մարտի ժամանակ ցուցաբերելով անկոտրում կամք՝ խոցվում է թշնամու կողմից արձակած գնդակներից, և միանում անմահների երկնային բանակին:Անձնազոհություն,գիտակցաբար...առանց հետ նայելու...չկա սիրո ավելի գերադրական աստիճան՝ քան զոհվել հանուն Հայրենիքի,ընկերների,ընտանիքի, Մայր Հողի:
Անմահներ բացեք ձեր գիրկը փառքով և պատվով ընդունելու Ձեր զինակիծ եղբորը:
Փառք,հավերժ փառք Արցախյան պատերազմի Սուրբ Նահատակներին:
Ստորեւ ներկայացնում ենք նաեւ ՀԵՐՈՍԻ ԿԱՏԱՐՈՒՄՆԵՐԻՑ, ՈՎ ԻՆՔՆԱՏԻՊ ՈՒ ՏԱՐԲԵՐՎՈՂ ՁԱՅՆ ՈՒՆԵՐ.
NewsMedia.am
Լուրեր Աշխարհից եւ Հայաստանից