ԽԱՅՏԱՌԱԿ ՊԱՏԿԵՐ"Ապարանի քաղաքապետի թեկնածու Կարեն Եղիազարյանի ղեկավարած քաղաքում՝դպրոցի ճամփան դժվար է, երկար՝շատերի համար".ԼՈՒՍԱՆԿԱՐՆԵՐ
Դեռեւս ՝2017-ի նոյեմբեր ամսին, համայնքների խոշորացման արդյունքում, Արագածոտնի մարզի Ապարան քաղաքին միավորվեցին 17 հարակից գյուղերը:
Քաղաքապետ ընտրվեց Ապարանի «Գնթունիք» հացաբուլկեղենի սեփականատեր՝ Կարեն Եղիազարյանը, ով 2021-ի դեկտեմբերի 5-ին ՏԻՄ ընտրություններում եւս որոշել է կրկին փորձել ուժերը:
Ու չնայած նրան, որ ըստ քաղաքում պտտվող լուրերի, այս տարիների ընթացքում քաղաքապետարանի աշխատանքները «յոլա է տարել» ամենատարբեր քաղաքական կալպակների սիրահար Գոռ Աբրահամյանը, (այն նույն Աբրահամյանը, որ բոլորովին վերջերս "կուրծ էր ծեծում" "Հայաստան Դաշինք"-ի ընտրական կամպանիայի ժամանակ) այդուհանդերձ Եղիազարյանը որոշել է չկորցնել քաղաքապետի այնքան բաղձալի աթոռը:
Մինչդեռ այս օրերին, ապարանցիներից շատ-շատերն են ահազանգում. փաստեր ներկայացնում, եւ հարց հնչեցնում. թե ինչ անուն դնել Եղիազարյանի տարիներ վարած այն անհասկանալի քաղաքականությանը` երբ վերջինս քաղաքը բարեկարգելու, քաղաքացիներին ցեխաջրերից ու քարուքանդ եղած փողոցներից դուրս բերելու փոխարեն, ինչու է առաջնահերթությունը տվել իր "ապարանք"-ին նստավայր քաղաքապետարանին, ուր այս տարիների ընթացքում ծախսվել են լուրջ գումարներ, մինչդեռ այդ միջոցներով կարելի էր շատ ավելի հրատապ եւ օրակարգային խնդիրներ լուծել:
Երբ ամեն առավոտ դպրոց ոտք դնող ուսուցիչը, աշակերտը ծնողն ու շարքային քաղաքացին ստիպված են լինում ցեխաջրերի ու անդնդախոր փոսերի միջով պատնեշներ հաղթահարել՝դպրոց հասնելու համար: Ինչպես ասում են՝Ապարան քաղաքում «Ձմեռվա բուքին,Սառնամանիքին դպրոցի ճամփան դժվար է, երկար՝ շատերի համար»…քանի որ «ֆաբրիկատոր», ներկայիս քաղաքապետի թեկնածու Կարեն Եղիազարյանը, քաղաքապետ աշխատելու տարիներին գերադասել է կարմիր գորգ փռել աշխատակիցների եւ յուր ոտքերի առաջ, քան դպրոց տանող ճանապարհն ասֆալտապատել, ուր ամեն օր ոտք է դնում նախ եւ առաջ մատաղ սերունդը:
Լուսանկարները՝ստորեւ.
Սա էլ քիչ է հնարամիտ Եղիազարյանը, որ աջ ու ձախ թմբկահարում է, թե բարեակարգում, բարեկարգում է Ապարանի քաղաքի պուրակն ու բացատը, չգիտես ինչու՝ այս դեպքում էլ մի տեսակ ոչ աշխատնքների "պոչն է նկատվում, եւ ոչ էլ փոշին":
Իսկ այն համայնքներում, ուր բյոջեից նախատեսված գումարներով պետք էր փոսալցման եւ բերակարգամն աշխատանքներ կատարել, ցավոք եղանակային պայմանների պատճառով՝ խնդիրները մնացել են չլուծված եւ առկախված վիճակում:
Եւ թե այս տեմպով ինչ նկրտումներով է Եղիազարյանը գնում դեպի ընտրություններ դժվար է հասկանալ, ինչպես որ դժվար է հասկանալ Եղիազարյանի ավագանու ցուցակի այլաբանությունը, ուր ասում են ներգրավված են այնպիսի դեմքեր եւ պերսոններ որոնց թելերը գնում հասնում են ուղիղ նախկիններ. Էլ դաշնակ, էլ ՀՀԿ, էլ Վանեցյանների անվան հետ կապվող հնաբնակներ, որոնց սկզբունքայնությունից ու գաղափարախոսությունից՝ իսկապես բարդ է գլուխ հանել:
Ուշագրավ այլ զարգացումների մասին՝ հաջորդիվ: