«Մենք ապրել ենք Հայ մարդուն վայել սկզբունքներով եւ ու փորձել ենք անել հնարավորը՝հանուն մեր երկրի, մեր հայրենիքի ու հանուն մեր վաղվա օրվա», -ասում է Փարաքար համայնքի ղեկավարի ֆավորիտ թեկնածու՝ Վալոդյա Գրիգորյանը

Փարաքար խոշորացված համայնքում դեկտեմբերի 5-ին կայանալիք ընտրությունների արդյունքում միավորվելու են 8 համայնք՝ Փարաքար, Մերձավան, Բաղրամյան, Այգեկ, Արևաշատ, Նորակերտ, Մուսալեռ, Պտղունք:

Այս համայնքում ՏԻՄ համասնական ընտրություններում մրցադաշտում են լինելու երեք քաղաքական ուժ.«Ապրելու Երկիր» կուսակցությունը, որը գլխավորում է այս ընտրությունների հիմնական ֆավորիտ Վալոդյա Գրիգորյանը, «Դավիթ Մինասյան» կուսակցությունների դաշինքը, որը գլխավորում է Փարաքար համայնքի ղեկավար Դավիթ Մինասյանը, «ՔՊ» կուսակցությունը՝ Լյուդվիգ Գյուլնազարյանի գլխավորությամբ։
Ի դեպ, Վոլոդյա Գրիգորյան չնայած երիտասարդ տարիքին՝ որպես կայացած անհատ, գործարար եւ բարերար, միշտ է աչքի ընկել իր բարձր մարդկային արժանիքների շնորհիվ: Նրան սիրում, հարգում եւ վստահում են ամենատարբեր շրջանականերում. ե՛ւ որպես մարզիկ, ե՛ւ որպես Մարդ, ե՛ւ որպես նվիրյալ Հայորդի, քանի որ միշտ է Վալոդյա Գրիգորյանը անուրանալի ավանդ ունեցել այն բոլոր ձեռնարկներում, ուր եղել է Հայրենիքի, Զինվորի, ու հարազատ երկրի շահը:

Ավելին, հաջողակ սպորտսմեն, գործարար Վալոդյա Գրիգորյանը հասցրել է ձեռք մեկնել շատերին. սատարել, աջակցել է բազում սպորտսմենների, աջակից է եղել բազում կարիքավոր ընտանիքների, օգնել է իրապես սոցիալական անարադարության մեջ ապրող մարդուն, քաղաքացուն: Պարզապես այդ ամենի մասին միշտ լռել է, քանի որ տեսակով է այդպիսին:

Վոլոդյա Գրիգորյանը, որ չորս երեխաների հայր է ու անթաքույց հպարտությամբ է խոսում իր հոր՝ Լևոն Գրիգորյանի մասին, ով երկար տարիներ ղեկավարում էր Արմավիրի մարզի Մերձավան համայնքը, այսօր գիտակցում է թե ինչ պատասխանատվություն է վերցնելու իր ուսերին, ու նաեւ անկեղծանում, որ դժվար է լինելու առաջինը իր իսկ ընտանիքի համար, քանի որ հաղթանակի դեպքում ՝աշխատելու են ծանրաբեռնված.նվիրումով ու պատասխանատվությամբ:

Եւ հարցին, թե ընտանիքում արդյոք կա ՞դժգոհություն այս որոշման հետ կապված՝Վ. Գրիգորյանը անկեղծացավ, ասելով որ.

-Ճիշտն ասած առաջին անգամ եմ այս մասին խոսելու. բայց մի քիչ կինս է սրտնեղվել, որովհետեւ գիտի բնավորությունս, որ երբեք ոչ մի գործ կիսատ թողնել չեմ կարող… Գիտի որ աշխատանքի մեջ՝ ինձ համար ժամ ու պատարագ չկա: Եթե պետք է՝ուրեմն ես պիտի լինեմ այնտեղ, որտեղ պետք եմ:

-Իսկ երեխաները:

-Չէ երեխաներս աջակցում են ինձ լիարժեք, սատարում են. ընդունում են հայրիկի որոշումը, եւ վստահում են՝որ հաղթանակի դեպքում, համայնքը պարտադիր առաջընթաց է ապրելու:

-Պարոն Գրիգորյան, այդուհանդերձ, ի՞նչը ստիիպեց երիտասարդ եւ հաջողակ գործարարին առաջադրվել ՏԻՄ ընտրություններում, եւ եթե դեմ չեք լինի կուզենայինք ներկայացնեիք, թե ծրագրային դրույթների ի՞նչ օրակարգով եք ներկայացել ընտրողներին:
Կարող եք առանձնացնել մասնավորապես առաջնահերթություն ունեցող խնդիրները:

-Անշուշտ, մեր նախընտրական ծրագրերում ընդգրկված են մի շարք խնդիրներ, մասնավորապես՝ նորաստեղծ թաղամասերի փողոցային լուսավորության ցանցի կառուցում, գազաֆիկացում, ներհամայնքային փողոցների բարեկարգում, ասֆլտապատում, մշակութային կառույցների վերանորոգում, խաղահրապարակների և զբոսայգինների կառուցում ու բարեկարգում, սպորտային հրապարակների կառուցում և վերանորոգում, աջակցություն դպրոցներին, մանկապարտեզների շենքերի վերանորոգում, կահավորում, խմելու և ոռոգման ջրի ներքին ցանցերի, ինչպես նաև կոյուղու ներքին ցանցերի վերանորոգում և կառուցում, բազմաբնակարան շենքերի տանիքների, շքամուտքերի վերանորոգում, գերեզմանատների բարեկարգում, բուժամբուլատորիաների վերանորոգում և կահավորում, տրանսպորտային համակարգի բարելավում, աղբահանության կազմակերպման որակի բարելավում: Ուզում եմ փաստել, որ ես, եւ մեր ՝ «Ապրելու Երկիր» կուսակցությունը երաշխավորում ենք մեր ընտրողներին, որ մեր նախընտրական ծրագրում առկա ցանկացած կետ կյանքի է կոչվելու, իսկ այն ինչը որ ոչի ստացվի չի ստացվի իրականացնել պետբյուջով, դա կարվի աձնական միջոցներով: Ինձ ճանաչողները գիտեն, որ ես ոչինչ հենց այնպես չեմ ասում: Ցանկացած խոսքի համար պատասխանատու ենք թե՛ մեզ ընտրողների, եւ թե՛ չընտրողների առջեւ: Եվ պատահական չէ, որ մեր նախընտրական քարոզարշավի կարգախոսն է` «Ապրելու Փարաքար»:

-Ի դեպ, Պարոն Գրիգորյան, այսօր Հայաստանում դժվար է բիզնեսի մեջ հաջողությունների հասնել: Ձեր մոտ, ինչպե՞ս է ստացվել:

-Ինչ խոսք դժվար է, բայց եթե նպատակասլաց ես, վճռական եւ աշխատասեր, ապա կարող ես հասնել հաջողության:

-Իսկ հայրիկի խորհուրդները Ձեզ օգնել ե՞ն այդ ճանապարհին:

-Իհարկե, ես միշտ եմ լսել հայրիկիս խորհուրդները. հայրս ինձ շատ-շատ է օգնել ու աջակից եղել իր խորհուրդներով, իր օրինակով ու Մարդ Տեսակով:

Ճիշտ է. թե՛կյանքում, թե ՛ բիզնեսի մեջ միշտ կարող են լինել դժվարություններ, ու խոչընդոտներ, բայց դա էլ պիտի կարողանաս արժանապատվորեն հաղթահարել:

-Բայց ասում են նաեւ որ չկոտրվող Տեսակ եք, եւ կարող եք շատ ու շատ որոշումների դեպքում՝ մնալ անդրդվելի…Այդպես է՞…

-Ճիշտն են ասել. կա նման բան:Եւ հիմա էլ, որ հետ հայացք եմ գցում՝տեսնում եմ, որ հայրս միշտ է ինձ ճիշտ խորհուրդներ տվել:

-Երբ որ Ձեզ ճանաչողներից փորձեցինք պարզել, թե բնավորության ո՞ր գծերով Ձեզ կառանձնացնեին, ձեւակերպումը այսպիսին էր. «մարդասեր եք, հասնող, խոսքի տեր, բայց վճռական ու խիստ, ու իրենց խոսքերով մեջբերենք.»քյալլա տվող»: Եւ՞…

-Թող իմ ընկերները, ինձ ճանաչող մարդիկ գնահատեն, թե ես ինչպիսի են առհասարակ. լավը թե վատը…բայց որ մինչեւ վերջ «քյալլա տվող» ենք` դա միանշանակ այդպես է:

-Մենք հիմա բավականին բարդ ժամանակներ ենք ապրում, եւ դուք էլ վստահ եմ գիտեք, որ երկիրը թե՛ տնտեսապես, թե՛ քաղաքականապես, թե՛ բարոյահոգեբանական մթնոլորտի առումով կոլապսի մեջ է: Ի՞նչ եք կարծում, կհաջողվի Ձեզ այս բարդ ժամանակահատվածում. առաջընթաց ապահովել Փարաքար խոշորացված համայնքի համար:

-Ես հասկանում եմ դուք ինչ եք ասում, բայց եթե կամք լինի՝ ամեն բան հնարավոր է կարգավորել, կազմակերպել, միաբանվել, եւ առաջ շարժվել:
Ինչ վերաբերում է բուն համայնքային գործին, ապա եթե խնդիրներին ծանոթ ես. եթե միշտ ժողովրդի մեջ ես եղել,ապրել այդ խնդիրներով ու հոգսերով, ապա դժվարություն չեմ տեսնում՝համայնքը բնականոն զարգացման ճանապարհով տանելու գործի մեջ:

Ինչ վերաբերում է գյուղի, բնակչի խնդիրներին, սոցիալական վիճակին եւ այլն… ապա այս դեպքում էլ պիտի ասեմ, որ դրանք կարող են շատ տարբեր լինել: Ու նման իրավիճակում էլ, պիտի կարողանաս հնարավորության սահմաններում մարդկանց ձեռք մեկնել, օգնել:

-Պարոն Գրիգորյան, ասում են որ դուք բավականին մեծ կապեր եւ ազդեցիկ ընկերներ ունեք ՀՀ-ում եւ ՀՀ-ի սահմաններից դուրս նաեւ: Ի՞նչ եք կարծում, հաղթանակի դեպքում այդ կապերը կարող ե՞ն օգտագործվել ի բարօրություն համայնքի: Օրինակ, հնարավո՞ր է նաեւ ներդրումներ լինեն:

-Այո իհարկե կլինեն: Ճիշտ գիտեք, թե՛ Միացյալ Նահանգներում, թե՛ ՌԴ-ում եւ էլի շատ երկրներում. ես ունեմ շատ լավ ընկերներ, ովքեր պատրաստ են իրենց լուման, ներդրումը ունենալ մեր համայնքի, երկրի զարգացման ու առաջընթացի համար:

-Այսինքն հաղթանակի դեպքում՝ կշահի համայնքը:

-Ոչ միայն հաղթանակի դեպքում.չհաղթելու դեպքում էլ՝ մենք մեր համայնքի թիկունքին կանգնելու ենք միշտ:

-Փաստորեն, փառքի ետեւից չեք գնում:

-Ոչ,իհարկե: Եթե ես փառքի ետեւից գնայի եւ մտածեի, որ հետգայում առաջադրվելու եմ որպես համայնքի ղեկավարի թեկնածու, ապա հավատացած եղեք. ես կարող էի այնպես անել, որ համայնքում մրցակցության կարիք անգամ չնկատվեր: Բայց ես դրա կարիքը երբեւէ չեմ զգացել, երբեւէ չեմ արել մի բան՝ ինձ այն ետ վերադարձնելու պայմանով:
Մենք ապրել ենք Հայ մարդուն վայել սկզբունքներով եւ ու փորձել ենք անել հնարավորը՝հանուն մեր երկրի, մեր հայրենիքի ու հանուն մեր վաղվա օրվա: Ճիշտ է. իրականում բարդ ժամանակներ ենք ապրում, բայց ես հավատում եմ որ միասնության դեպքում՝ մենք նորից կարողանալու ենք հաղթել, եւ մեր մեջքը ուղղել:

NewsMedia.am

Լուրեր  Հայաստանից եւ աշխարհից