Ինչ է նշանակում կալանք, ինչ է խոսում, անհապաղ ազատ արձակեք Գարիկին, Նիկոլը 5000 երեխու գլուխ է կերել, չեն կալանավորում,ծնողի՞ն են կալանավորում. ծնողները հունից դուրս եկան
ՀՀ ՔԿ զինվորական քննչական գլխավոր վարչության շենքի մոտ լարված իրավիճակ է։ Զոհված զինծառայողների ծնողներն առավոտից բողոքի ակցիա են իրականացնում՝ ՔԿ ԶՔԳՎ-ի մոտ՝ պահանջելով հանդիպում գործը քննող քննիչի հետ՝ պարզաբանումներ ստանալու, թե ինչու Նիկոլ Փաշինյանը չի հարցաքննվում, ինչու նա առ այս պահը ներգրավված չէ։ Քիչ անց իրավիճակն առավել լարվեց։ Ծնողները հայտարարեցին՝ «բոլորս Գարիկ ենք» և պահանջեցին անհապաղ ազատ արձակել այսօր ձերբակալված Գարիկ Գալեյանին՝ պատերազմում զոհված զինծառայող Մխիթար Գալեյանի հորը։ Ծնողների հետ հանդիպեց ՀՀ ՔԿ ԶՔԳՎ ՀԿԳՎ պետ Ռաֆայել Վարդանյանը, ում վարույթում էլ հենց գտնվում են պատերազմին առնչվող քրեական գործերը։ Նա հանդիպման ընթացքում նշեց, որ պայմանավորվածություն է ձեռք բերվել ՔԿ նախագահ Արգիշտի Քյարամյանի հետ և հանդիպում կիրականացվի, իսկ ինչ վերաբերում է Նիկոլ Փաշինյանի հարցաքննության պահանջին՝ Վարդանյանը նշեց, որ կա դատախազի կողմից տրված ցուցում, ցուցումի պահանջները կատարվելու են, ժամկետները՝ հետագայում կհստակեցվի։
«Ինչ վերաբերում է Գալեյանի ձերբակալման հարցին, այս պահին անձը ձերբակալվել է զորամասի տարածքում սպայի, այն էլ՝ բարձրաստիճան սպայի նկատմամբ օրինական պահանջ չկատարելու կասկածանքով։ Հարուցված է քրեական գործ, որի շրջանակներում պարոն Գալեյանն ունի պաշտպան, որը իրավասու է քրեադատավարական օրենսդրության սահմաններում և ձերբակալման իրավաչափության վերաբերյալ, և եթե կալանքը որպես խափանման միջոց կիրառելու միջնորդություն կներկայացվի՝ դատարանում ներկայացնելու հակափաստարկները և այլն»,- նշեց Ռաֆայել Վարդանյանը, ինչից հետո ծնողները վրդովվեցին՝ հայտարարելով. «Ինչ է նշանակում կալանք, ինչ է խոսում։ Հենց հիմա անհապաղ ազատ արձակեք։ Այսինքն՝ 5000 երեխու գլուխ կերած մարդասպանին անգամ հարցաքննության կանչելու համար պետք է ժամկետներ քննարկվի, իսկ ծնողին՝ որևէ մեկին շշով հարվածելու համար կալանավորեն։ Եթե Գարիկին անհապաղ բաց չթողեցին, մենք մեր քայլերի համար պատասխանատու չենք։ Ռաֆո, շատ բան չխոսեմ, Գարիկին բաց թողեք, ավելի դաժան բաներ են լինելու։ Հենց հիմա կարգադրեք այդ մարդուն թողնեն»։
Ծնողների և իրավապահ մարմինների ներկայացուցիչների միջև վիճաբանություն սկսվեց։
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
Սահմանազատման երեք տարբերակ է քննարկվել
Ադրբեջանն Ալմա-Աթայի հռչակագրից հրաժարվելու հիմքեր է ամրագրել, որ ավելին ստանա Հայաստանից
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները»
«Այս իշխանությունը «կաղ բադիկ է», գնացող, խնդիրը զուտ արտաքին և ներքին քաղաքական որոշումն է». «Փաստ»
«Ամեն օր եկեղեցում մոմ էի վառում ոչ միայն իր, այլ մեր բոլոր տղաների համար. երբեք չեմ ցանկանա, որ որև...
