«Արցախգազի» կողմից Բերձորում ապամոտնաժվում են գազի խողովակները.Բերձորի համայնքապետը բացառիկ մանրամասներ է ներկայացնում Բերձորում առկա իրավիճակից
Նիկոլ Փաշինյանը օրերս խոսելով Արցախի Հանրապետության Բերձորի շրջանի մասին, հայտարարել էր, որ երթուղու փոփոխություն տեղի ունենալու պարագայում, այն տարածքները, որոնք չեն գտնվում նախկին ԼՂԻՄ սահմանի մեջ, անցնելու են Ադրբեջանի վերահսկողության տակ։ «Լաչինի բնակիչների խնդիրները մենք կառավարության որոշումներով լուծում ենք, բնակիչները, բնականաբար, պետք է ապահովվեն բնակարաններով։
Ըստ էության, Լաչինում այսօր, նաև Արցախի իշխանության հետ այդ հարցերը քննարկում ենք, ընտանիքներ չեն ապրում, Աղավնո գյուղի բնակչների խնդիրներն Արցախի կառավարության միջոցներով, կարծում եմ, կլուծվեն, Սուսի վերաբերյալ ոչինչ չեմ կարող ասել, այս պահին տեղեկություններ չունեմ»,- ասել էր Նիկոլ Փաշինյանը։
Վերը նշվածի շուրջ «Իրավունքը» ը րուցել է Բերձորի համայնքապետ Նարեկ Ալեքսայնանի հետ, ով նախ նկատեց.
-Ընդհանուր առմամբ, վարչապետի հայտարարությունը անակնկալ չէր մեզ համար, քանի որ շատ էր խոսվում այդ մասին, և մենք տեսնում ենք ադրբեջանցիների կողմից նոր կառուցվող ճանապարհը: Զարմանալի էր, որ վարչապետը նշեց, թե Բերձորում մարդիկ չեն ապրում: Բնակեցում ասելով՝ մարդիկ ինչ-որ քանա՞կ են պատկերացնում։ Այսօր Աղավնոյի չափ բնակչություն էլ Բերձորում կա։ Այս պահին Բերձորում մարդիկ ապրում են, ավելի քան 50 ընտանիք Բերձորում է՝ մոտ 180 մարդ։ Բազմանդամ ընտանիքներ էլ կան այդ թվում։ Արտակարգ իրավիճակ չկա, մարդիկ իրենց սովորական կյանքով ապրում են՝ առանց խուճապային կամ ճամպրուկային տրամադրության։ Այո, ճանապարհ կառուցվում է, բայց հստակ չեն ժամկետները, հստակ չէ՝ արդյոք դա այլընտրանքային ճանապարհ է։ Ինչ-որ ժամանակ առաջ ճանապարհի շահագործման ժամկետ էին նշում հունիսի մեկը, հիմա քննարկվում է հուլիսի մեկը։ Բայց պարզ երևում է ճանապարհի՝ այս պահին գոնե ավարտված չլինելու հանգամանքը։
-Ասում են, որ ամեն ինչ նախատեսված է նոյեմբերի 9-ի համաձայնագրով:
-Դեռևս 2020թ․ նոյեմբերի 9-ի հայտարարության մեջ կա կետ, որ Լաչինի շրջանը դեկտեմբերի 1-ին պետք է հանձնվի Ադրբեջանի վերահսկողությանը և այդ հայտարարության մեջ որևիցե ձևով չի առանձնացվում բացառությամբ ինչ-որ բնակավայրերի: Բայց մեկ ուրիշ կետով ասում է՝ Արցախը Հայաստանին կապող միջանցք 5 կմ լայնքով՝ 2,5 աջ, 2,5 ձախ միջանցքը հանձնել ռուս խաղաղապահների վերահսկողությանը։ Այդ հայտարարության մեջ ասում է նաև 3 տարվա ընթացքում Հայաստանն Արցախին կապող ճանապարհ կառուցել, որը չպետք է շոշափի Շուշին։ Ենթադրում եմ, որ այդ համաձայնագրի կետերից մեկը՝ կառուցել նոր ճանապարհ՝ դա այս նույն ճանապարհի մասին է խոսքը, որը հիմա կառուցում են ադրբեջանցիները:
Մենք պետք է տեղեկացվենք՝ ենթադրենք միջանցքը փոխարինվում է այս ճանապարհով, գործող միջանցքի բնակավայրերն ի՞նչ կարգավիճակ են ունենալու։ Այդ ամենից կենթադրվեն հետագա քայլերը։ Գիտեք, ինձ ուղղակի զարմացնում է մի փաստ. ինչպե՞ս է, որ մենք նոյեմբերի 9-ի հայտարարության բոլոր կետերը կատարում ենք, իսկ Ադրբեջանը՝ ոչ, օրինակ, գերիների վերադարձի պարտավորությունը: Ինչո՞ւ մենք չենք կարող հրաժարվել որոշակի պահանջներ կատարելուց՝ պահանջելով նախ Արբերջանին դա անել:
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
Սահմանազատման երեք տարբերակ է քննարկվել
Ադրբեջանն Ալմա-Աթայի հռչակագրից հրաժարվելու հիմքեր է ամրագրել, որ ավելին ստանա Հայաստանից
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները»
«Այս իշխանությունը «կաղ բադիկ է», գնացող, խնդիրը զուտ արտաքին և ներքին քաղաքական որոշումն է». «Փաստ»
«Ամեն օր եկեղեցում մոմ էի վառում ոչ միայն իր, այլ մեր բոլոր տղաների համար. երբեք չեմ ցանկանա, որ որև...
