Երեք երեխաների մայր Անուշ Ապետյանը երկու տարի առաջ զինվորական համազգեստով մտավ տուն և, երեխաների զարմացած ու հիացական հայացքները տեսնելով, ասաց. <<Ծառայում եմ Հայաստանի Հանրապետությանը>>։ Ընտանիքը դեմ էր Անուշի որոշմանը, սակայն կինը երդվեց` զենքը այլևս ցած չի դնելու ձեռքից։
<<Անուշը կարող էր դիրքեր չբարձրանալ, քանի որ 3 անչափահաս երեխա ուներ խնամքին, սակայն պնդել է, որ պետք է մարտական ընկերների կողքին լինել։ Իսկ այն տարածքում, որտեղ կռվել է Անուշը, կատաղի մարտեր են ընթացել։ Ավելին` բանը հասել է նրան, որ մերձամարտ է սկսվել։ Անուշին ասել են` իջնի դիրքից, բայց պատասխանել է` որտեղ ընկերները, այնտեղ էլ ինքը։ Այդ ընթացքում Անուշն իր դիպուկ կրակոցներով ոչ միայն իր գործն է արել, այլ նաև զոհված զինվորներից մեկի մարմինը ներքև է իջեցրել և կրկին գնացել դիրք>>,-մեզ հետ զրույցում պատմում է եղբայրը՝ Գեղամ Ապետյանը, ով վերջին անգամ Անուշի հետ խոսել է իր ծծնդյան օրը՝ սեպտեմբերի 12-ին․
-Զանգեց շնորհավորեց քույրս․․․ Մարտական ընկերներն ասում են` Անուշը տեսակով խելառ էր ու էդպես էլ մնաց մինչև վերջ։ Քանի որ թշնամին չի կարողացել դիրքը «բլիժնի բոյով» վերցնել, հրետակոծություն է սկսվել, ինչի հետևանքով էլ զոհվել են Անուշն ու իր ջոկատից Սամսոն Կոստանդյանը։ Երկուսի մարմինն էլ անմիջապես իջեցրել են ներքև։ Այդ դիրքը, ի դեպ, այժմ մեր վերահսկողության տակ է։
Անուշի համար զենքը իր չորրորդ երեխան էր, շատ էր սիրում ծառայությունը, զենքը, դիրքերը։
Այժմ Անուշի երեխաները գտնվում են քեռու հարեւանությամբ՝ իրենց հայրիկի ծնողների հոգածության ներքո․
-Երեխաները հայրական տատիկին-պապիկի տանն են այժմ բնակվում, փոքրիկ ժակը, ով հինգ տարեկան է մինչեւ հիմա սպասում է, որ մայրը պոստերից պիտի իջնի, ամեն դռան թակոցից վեր է թռնում ու գոռում՝ <<Մամ, մա՛մ ջան եկա՞ր․․․>>։
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
«Ամեն օր եկեղեցում մոմ էի վառում ոչ միայն իր, այլ մեր բոլոր տղաների համար. երբեք չեմ ցանկանա, որ որև...
Կանխել են հնարավոր գաղտնալսումները` հեռախոսների միջոցով
Կալանավորներին դատարան բերել չեն կարողանում․ անձնակազմ և տեխնիկական միջոցներ չկան.«Ժողովուրդ»
Իշխանականներին ու իշխանության ցանկությունները կատարողներին ամեն ինչ կարելի՞ է
Գավառցի երեխայի նկատմամբ դաժան վերաբերմունք ցուցաբերած մայրն այդ տեսանյութերը ուղարկել է բանտ. մանր...
