Գերմանիան իր թանգարաններից բենինյան 20 բրոնզե իրեր փոխանցել է Նիգերիային
Գերմանիան իր թանգարաններից բենինյան 20 բրոնզե իրեր փոխանցել է Նիգերիային, ասել է Գերմանիայի արտաքին գործերի նախարար Աննալենա Բերբոքը, փոխանցել է Reuters-ը։
Սա վկայում է այն մասին, որ գաղութատիրության շրջանում Աֆրիկայից եվրոպացի գաղութարարների բերած արտեֆակտները վերադարձվում են տերերին։ Գերմանիան համաձայնել է վերադարձնել բենինյան բրոնզե իրերը, որոնք անցած տարի պահվում էին երկրի թանգարաններում։
Ավելի վաղ այս տարվա ընթացքում Գերմանիան Նիգերիայի հետ ստորագրել էր հռչակագիր բենինյան բոլոր 1 130 բրոնզե իրերը վերադարձնելու մասին։
Իրերի հանձնման արարողությանը ներկա էին Նիգերիայի արտաքին գործերի նախարար Ջեֆրի Օնիյամին եւ տեղեկատվության նախարար Լայ Մոհամեդը, Գերմանիայի մշակույթի եւ ԶԼՄ-ների նախարար Կլաուդիա Ռոտը, ինչպես նաեւ Գերմանիայի թանգարանների տնօրենները։
«Այսօր մենք կատարում ենք վաղուց հասունացած քայլը. մենք վերադարձնում ենք 20 բենինյան բրոնզե իրերը հայրենիք»,- ասել է Բերբոքը լրագրողներին Աբուջայում։
Նիգերիացի պաշտոնյաների խոսքով՝ այդ իրերը Գերմանիայում էին գտնվում մոտ երկու հարյուրամյակ, որոնց մի մասը՝ մասնավոր հավաքածուներում եւ կազինոներում։
Բրիտանացի զինվորները հազարավոր բրոնզե իրեր եւ քանդակներ էին վերցրել 1897թ. Բենինի Թագավորությունում կատարած ռեյդի ժամանակ։
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
Որքան գումար է պահանջվել Երևանի վարչական շրջանների ամանորյա քեֆերի համար
Ալբերտ Բազեյանը կմնա կալանքի տակ
Ջալալ Հարությունյանի գործով բոլոր կողմերը միջնորդություն են ներկայացրել դատարան
Արցախի հարցով միջազգային հանձնախումբ են ուզում ձեւավորել
Ինչու իշխանությունները Դավիթ Բաբայանի հարցով չեն զբաղվում
