Հովիկ Աբրահամյանի դիրքերը խարխուլ ե՞ն, կամ ո՞վ է հոգեպես ավելի ազնիվ...
![](/timthumb.php?src=http://newsmedia.am/disc/20-06-16/6e0d480c8d71e258dd62c396db4fd709.jpg&w=450&h=320)
ԱՍԵԿՈՍԵ
Քաղաքական շրջանակներում թեւ առած լուրերի համաձայն, վարչապետ Հովիկ Աբրահամյանի դիրքերը կարծես թե գնալով թուլանում են: Ճիշտ է Արգամիչն ու նրա «PR»-շիկները շարունակում են ամեն կերպ «մասկիրովկաներ» անել, թե Արգամիչը շարունակում է ամենակարող վարչապետ մնալ, սակայն չար լեզուներն ասում են, որ Արգամիչի աթոռը այնուամենյանիվ ճոճվում է:
Բանը նրանումն է, (որ ըստ շրջանառվող լուրերի) այս վերջին ամիսներին Արգամիչի նկատմամբ դժգոհության ալիքը գնալով ավելի է մեծանում, եւ դա հատկապես այն պատճառով, որ Արգամիչը միայն յուրայինների խնդիրներով ու հոգսերով է զբաղված: Ժողովորդի, տնտեսության զարգացման ուղղությամբ կոնկրետ քայլեր այդպես էլ կարծես թե չեն նկատվում:
Ասում են, հայկական էլիտան իսկապես հոգնել է Արգամիչի ու նրա շրջապատի սպասավորների խաղերից ու ներպալատական ինտրիգներից, որոնց վերջը տալու ժամանակն է եկել: Նույն լուրերի համաձայն, ասում են իր հետագա պլանների մասով անհանգստություններ են նկատվում նաեւ Արգամիչի ու նրա շրջապատի մոտ, քանզի վերջին հաշվով Արգամիչը իր միլիոնները ապահովագրելու խնդիրներ այնումենայնիվ կարող է ունենալ...Իսկ աթոռի բացակայության դեպքում մեծագույն հարց է, թե ով է դառնալու Արգամիչի միլիոնների երաշխավորը:
Ի դեպ, իշխանամերձ շրջանակներում վերջերս նոր վարչապետացուների անուններ են նաեւ հոլովվում. ԱԽՔ Արմեն Գեւորգյան, Երեւանի նախկին քաղաքապետ Կարեն Կարապետյան՝ Գազի Կարեն, եւ էլի անուններ, ովքեր ՌԴ-ի հետ լուրջ կապեր եւ հարաբերություններ ունեն, մնում է պարզել, թե այս համատեքստում ում շահերը ինչպես կհամընկնեն եւ վերջնական ինչ որոշում կկայացվի ամենավերեւներում: