Եթե ռուսական ռազմաբազան չլիներ, ո՞վ էր թուրքերի ձեռքը բռնելու. Երկրում ստեղծված պատերազմական իրավիճակը «ԱԶԱՏ ԽՈՍՔԻ» տաղավարում վերլուծում է քաղաքական վերլուծաբանը

Արցախա-ադրբեջանական հակամարտ շփման գծում տիրող պատերազմական իրավիճակի, տարածաշրջանային լարվածության եւ հնարավոր զարգացումների շուրջ «ԱԶԱՏ ԽՈՍՔԻ» եթերում զրուցել են հաղորդման հեղինակ եւ վարող Գայանե Զարգարյանը եւ հայտնի քաղաքական վերլուծաբան, Շիրակի պետական համալսարանի դասախոս, պատմաբան ԳԱԳԻԿ ՀԱՄԲԱՐՅԱՆԸ: Անդրադառնալով թշնամու կողմից նախաձեռնված լայնամասշտաբ պատերազմին եւ դրա պատճառներին` քաղաքական վերլուծաբանը նախ նկատեց.

Այլեւս մենք գործ ունենք թուրք-ադրբեջանական տանդեմի հետ

- Եթե 2016 թվականին տեղի ունեցած իրադարձությունները շատ դեպքերում մեզ համար անակնկալ էր, ապա այս հերթական հարձակումը բավկանին սպասելի էր: Որովհետեւ Ադրբեջանը եւ նրան սպասարկող, հովանավորող ուժերը շատ վաղուց դա չէին էլ թաքցնում: Արցախյան հիմնահարցով զբաղվող շատ օգտատերեր սոցիալական ցանցի իրենց էջերում հրապարակում էին Ադրբեջանից Թուրքիա տեղափոխվող ռազմական օդանավերի չվերթների տեղեկությունները: Ադրբեջանի նախագահը բացահայտ սպառնում էր Հայաստանին եւ արցախահայությանը` ասելով, որ Ադրբեջանի համբերությունը սպառված էր: Լայնամասշտաբ ռազմական գործողությունների վերսկսումը պաշտոնական Բաքուն հուլիսյան դեպքերից հետո շատ արագ իրագործեց: Այո, ադրբեջանցիների մոտ միշտ եղել է պատերազմը վերսկսելու վախ, բայց մինչեւ 2016 թվականի ապրիլը:
- Սակայն ներկայիս եւ ապրիլյան պատերազմի միջեւ մի շարք տաբերություններ կան: Օրինակ, եթե այն ժամանակ սահմանագոտում էր պատերազմը, ապա այս դեպքում քաղաքացիական ենթակառուցվածքների, քաղաքացիական հասարակության վրա էլ են հրթիռներ արձակում:
- 2016 թվականի ապրիլյան կարճատեւ պատերազմից հետո պաշտոնական Բաքուն ամեն ինչ արեց, որպեսզի սեփական հասարակության մոտ թոթափի հայերի նկատմամբ ունեցած վախը: Որովհետեւ 1994 թվականի զինադադարը շատ խորը ազդեցություն էր թողել ադրբեջանցիների հոգեբանության վրա, որ իրենք չեն կարող հայկական կողմի նկատամբ հաղթանակ տանել: Եվ ապրիլյան պատերազմի ժամանակ գրավված 800 հեկտար հողը չեք պատկերացնում, թե ադրբեջանցիների համար ինչ հարստություն էր:
Ավելին` այդ 800 հեկտարով Ալիեւը կարողացավ համոզել իր հասարակությանը, որ չկա անպարտ հայկական բանակ: Եվ ահա, այս տարի հուլիսին տեղի ունեցած իրադարձությունները ցույց տվեցին, որ ադրբեջանցիները պարտվում են, ըստ այդմ` վախերն էլ մեծացան: Չմոռանանք, որ հուլիսյան դեպքերին սպանվեց գեներալ, ինչը Ալիեւի համար սարսափելի հարված էր...

Զրույցի ուշագրավ հատվածները ամբողջական եթերում ստորեւ