Արթուր Ալեքսանյանը՝ ըմբշամարտի Եվրոպայի 7-ակի չեմպիոն
![](/timthumb.php?src=http://newsmedia.am/disc/15-02-24/806ffde072a840e7a016bf9c89c8dd13.jpg&w=450&h=320)
Աշխարհի, Եվրոպայի և օլիմպիական խաղերի չեմպիոն Արթուր Ալեքսանյանը հռչակվեց ըմբշամարտի Եվրոպայի 7-ակի չեմպիոն։ Եզրափակչում Ալեքսանյանը 6։3 հաշվով հաղթանակ տարավ ՌԴ ներկայացուցիչ Մագոմեդ Մուրթազալիևիի նկատմամբ։
Կիսաեզրափակչում Եվրոպայի 6-ակի չեմպիոն Ալեքսանյանը գոտեմարտել էր բելառուս Աբուբակար Խասլախանավի հետ և 5:1 հաշվով հաղթանակ տարել։ Ալեքսանյանը պայքարն սկսել էր 1/8 եզրափակչից, որտեղ 9:1 հաշվով ժամանակից շուտ հաղթել էր թուրք Բեյտուլա Կաիսդագինին, իսկ քառորդ եզրափակչում մեր ըմբիշը 8:3 հաշվով առավելության էր հասել Նիդերլանդների ներկայացուցիչ Թայրոն Շտենկերբուրգի նկատմամբ:
![](https://lurer.com/disc/15-02-24/e99434e73c5f525cc3f12c7fa43b3114.jpg)