ՁԱՅԱՆԳՐՈՒԹՅՈՒՆ. «Չես մարսելու Գայանե, եթե սենց շարունակվեց չես մարսելու, ես ոչ սրոկից եմ վախենում, ոչ էլ բան»

Ինչպես արդեն խոստացել էի, ընթերցողի դատին եմ ներկայացնում իմ եւ Ամբերդ համայնքի ղեկավար, նախկին ՀՀԿ-ական Մանվել Բաբայանի միջեւ տեղի ունեցած ձայանգրության ուշագրավ դրվագները: Նախապես ուզում եմ տեղեկացնել, որ ձայնագրության ողջ բովանդակությունը չենք հրապարակում զուտ այն պատճառով, որ համայնքապետ կոչվածի՝ իմ հասցեին հնչեցրած վիրավորանքներն ու զրպարտանքները, պարզապես հատում են թույլատրելիի բոլոր սահմանները:

Եւ քանի որ արդեն իսկ պաշտոնապես տեղեկություն եմ ստացել, որ Վաղարշապատի ոստիկանության բաժնում, իմ հայտարարության հիման վրա նյութեր են նախապատրաստվում, ուստի մեկ անգամ եւս հայատարարում եմ, որ իրավապահներին պատրաստ եմ տրամադրելու իմ եւ տվյալ երեւույթի, իսկ այսուհետ ինձ համար այդ չորքոտանու միջեւ տեղի ունեցած հեռախոսային զրույցի ողջ բովանդակությունը : 

Հիշեցնեմ, որ ժամեր առաջ, Ամբերդի համայնքապետ կոչեցյալը, չքմեղացել էր, թե լրագրող Գայանե Զարգարյանին ինքը չի սպառնացել, ոչինչ չի ասել, եւ որ լրագրողը խանգարում է իրեն, քանի որ համայնքապետին գյուղացիները չեն լսում, եւ հարկեր չեն վճարում: Նա նաեւ նշել էր, որ լրագրողին տեսնում՝ վատանում են:

Հիշեցնենք, որ ս. թ-ի մարտի 22-ին բնակիչների խնդրանքով, հերթական անգամ Fnews.am-ը այցելել էր Ամբերդ համայնք՝ լուսաբանելու, թե ինչպես են վագոն-տնակներում բնակվող բնակիչները կազմակերպում իրենց առօրյան, կենցաղը, եւ թե ինչպես են կիսաքանդված վագոն-տնակներում գոյատեւում արդեն տասնինը տարուց ավելի:

Եւ մինչ փորձում էինք զրույցի բռնվել համայնքի բնակիչների հետ, հանկարծ 093 325962 հեռախոսահամարից զանգահարում է Ամբերդ համայնքի ղեկավար, նախկին ՀՀԿ-ական Մանվել Բաբայանը, եւ հայհոյանքների, զրպարտանքների ու սպառնալիքների տեղատարափով փորձում է ճնշում գործադրել իմ օրինական գործունեության վրա:

Վերջինս զգուշացնում էր, որ շատ ենք գալիս Ամբերդ համայնք, եւ որ դրա վերջը վատ է լինելու, ու որ չենք մարսելու.
Ստորեւ ներկայացնում եմ խոստացված ձայնագրությունը:

Շարունակությունը՝ հաջորդիվ:

Հ. Գ 
Ի դեպ, շրջանառվող լուրերի համաձայն, սա համարվում է Մանվել Գրիգորյանի յուրայիններից մեկը, ով մշատպես աչքի է ընկել ՀՀԿ-ի ու Մանվելի համար ձայներ հավաքելու գործով՝ ինքն իրեն ներշնչելով որ թուրը կարող է մինչ օրս էլ աջ ու ձախ կտրել…

Հ. Գ 1 
Պարոն Փաշինյան, համայնքապետ է վատացել. միջոցներ ձեռնարկեք՝ համայնքին փրկելու ՎԱՏԱՑԱԾ այս չորքոտանուց:

ԳԱՅԱՆԵ   ԶԱՐԳԱՐՅԱՆ