13 տարեկան աղջիկս հաշմանդամ է, ու բնակվելու տեղ չունենք

Օրեր առաջ Արագածոտնի մարզի Ծաղկահովիտ համայնքի բնակիչ Արայիկ Սարդարյանը ստիպված էր եղել դիմելու ծայրահեղ քայլի: Նա իր կնոջ և անչափահաս երկու երեխաների հետ, որոնցից մեկը` 13 ամյա Գյուլնարան է ( եւ ով ի ծնե հաշմանդամ է),նստացույց էր հայտարարել հենց մարզպետի ընդունարանում:

Fnews.am-ի թղթակցի հետ զրույցում Սարդարյանը պատմեց.«Սոցիալապես անապահով ընտանիք ենք: 13 տարեկան աղջիկս հաշմանդամ է ու բնակվելու տեղ չունենք: Մեր գյուղում հատուկ բնակելի շենք է կառուցվել, որը պետք է տրամադրվեր երկրաշարժից տուժած ընտանիքներին: Շենքում 30 ավել բնակարան կար: Կառավարության որոշմամբ այդ բնակարանները պետք է հատկացվեին գյուղի անապահով բնակիչներին: Իմ կարգավիճակը լրիվ համընկնում է: Ես ոչ մի սեփականություն չունեմ` ոչ հող և ոչ էլ տուն: Մինչ խորհրդարանական ընտրությունները նախկին քաղաքաշինության նախարարը եկավ գյուղ: Ես դիմում էի ներկայացրել մարզպետարան` մերժվել էի: Նախարարը ասաց, որ ես դիմում գրեմ իր անունով ու մակագրեց այդ դիմումը: Ես արդեն հերթի մեջ էի: Մարզպետարան վերջին անգամ դիմում եմ գրել օգոստոս ամսին: Փոխմարզպետը` Կարեն Տոնոյանը ասաց` հիմա մերժելու ենք քեզ, բայց դա ձևական բնույթ է կրում: Ես հավատացի»:

Սարդարյանի խոսքով` ինքը հեռուստաեթերից է իմացել, որ դեկտեմբերի 31-ին բնակարաններ են բաժանվել: Արա Սարդարյանը այսօր առավել քան կարիք ունի բնակարանի.«Աղջիկս անբուժելի է ու մենք ամբողջ կյանքում պետք է ուշադիր լինենք նրա հանդեպ»:

Խնդրի մասի զրուցեցինք անև Արագածոտնի մարզպետ Սարգիս Սահակյանի հետ: Վերջինս պարզաբանեց.«Այդ բնակարանները կառուցված է նրա համար, որ տան երկրաշարժից տուժած, անօթեւան մնացած, բնակմակերես կորցրած մարդկանց: Ինքն ասում է՝ չէ, ինձ էլ պետք է հասնի: Այս պահին մենք բնակարան  չունենք, որ ապահովենք»: