50.000 երեխաների վրա գիտափորձ են անցկացնում, իսկ ծնողներն անգամ տեղյակ չեն

Այսօր հրավիրված ասուլիսում, անդրադառնալով Երևանում անցկացված բժիշկների միջազգային համաժողովում ֆոլաթթվով ալյուրի հարստացման թեմայի քննարկմանը, հասարակական-քաղաքական գործիչ Խաչիկ Ստամբոլցյանն ասաց."Ըստ Օքսֆորդի, Քեմբրիջի, Տորոնտոյի համալսարանների գիտնականների՝ ֆոլաթթուն քաղցկեղածին է: Երբ ՌԴ Ակադեմիայի սննդի ինստիտուտի տնօրեն, ակադեմիկոս Տուտելյանն ասում էր՝ գիտե՞ք, այս գործընթացն առաջին անգամ Կանադայում, ԱՄՆ-ում են արել, Կարինե Դանիելյանը շատ հետաքրքիր պատասխան տվեց, նա ասաց՝ գիտե՞ք, երբ ԱՄՆ-ում քայլում եմ, դիմացից եկողին նայելով չեմ կարողանում հասկանալ՝ տղամա՞րդ է, թե՞ կին ու քանի՞ տարեկան է, որովհետև այնտեղ գրեթե բոլորը մսագնդեր են, դուք ինչո՞ւ եք ԱՄՆ-ի օրինակը բերում: Սա հատուկ մարդկության ոչնչացմանն ուղղված ծրագիր է":
Բանախոսը հայտնեց նաև Հայաստանում հանցագործության դեպքերի մասին. երեխաների վրա արվել է գիտափորձ: "Իսրայելի ու Ռուսաստանի ֆինանսավորմամբ Հայաստանի 6 մարզերի 1-4-րդ դասարանում սովորող 50.000 երեխաների արդեն 5 տարի կերակրում են հարստացված ալյուրով, մակարոնեղենով, ձեթով, բացի այս վերջերս Օնկոլոգիայի ինստիտուտի տնօրեն Հայրո Գալստյանը հայտարարեց, որ Լոռիում մանկական քաղցկեղն աճել է: Լոռին մտած է այն մարզերի մեջ, որտեղ երեխաներին կերակրում են հարստացված սննդով: Այս փաստով ես դիմել եմ, որպեսզի քրեական գործ հարուցվի 127-րդ հոդվածով՝ երեխաների վրա գիտափորձ են կատարում և տեղյակ չեն ո՛չ ծնողները, ո՛չ ուսուցիչները, ո՛չ երեխաները, ո՛չ էլ հասարակությունը: Ոստիկանությունից ու դատախազությունից ստացել եմ թղթեր, որոնք մի հիմնարկից մյուսն են ուղարկում: Ոչ ոքի չի հետարքրում այս 50.000 երեխաների ճակատագիրը",- նշեց նա:

ԲԱՐՈՄԵՏՐ