Աբրահամյան եղբայրներից «ԱՉՈՏ» են ուզել

ՀՀ նախկին վարչապետ, ՀՀԿ-ից լքյալ Հովիկ Աբրահամյանի շրջապատին մոտ կանգնած աղբյուրներից տեղեկանում ենք, որ բոլորովին վերջերս, բավականին լուրջ սկանդալ է հասունացել նախկին վարչապետ Հովիկ Աբրահամյանի եղբոր՝ Ջոնիկ Աբրահամյանի, եւ Աբրահամյանի նախկին վստահելիներից մեկի միջեւ:

Ասում են, տվյալ անձը, Արգամիչի մայր գետից առանձնանալու՝ դարի իրադարձությունից հետո, զրոյացրել է իր հարաբերությունները Աբրահամյաններ ընտանիքի հետ:

Հասկանալի պատճառներով չենք հրապարակում այն մարդու անունը, ում Արգամիչի դինաստիան դեռեւս նրա վարչապետության տարիներից սկսած՝ (ասում են) իրենց վերաբերմունքով, այսպես ասած իրենցից հեռացրել են:

Նույն լուրերի համաձայն, վերջին ժամանակներս Ջոնիկ Աբրահամյանը, պատեհ-անպատեհ առիթներով,   փորձել է տղամարդուն ոչ հարիր լեքսիկոնով արտահայտվել տվյալ մարդու հասցեին, ով էլ իր հերթին` «աչոտ» է ուզել Աբրահամյան եղբայրներից:  

Արգամիչի նախկին մտերիմը, նրան զգուշացրել է «եղբոր կապերը հավաքել», այլապես հետեւանքները՝ տխուր կլինեն:

Տեսնելով որ կրքերը լրջագույնս կարող են շիկանալ, եւ որ Ջոնիկը «տղայականով» իրեն իսկապես ճիշտ չի դրսեւորել, Արգամիչը կազմակերպել է հանդիպում, որի ժամանակ էլ Ջոնիկը երդում-պատռում է կերել, որ ինքը ոչ մեկի հասցեին ավելորդ բան չի ասում, ու որ այսուհետ հարց լինի՝ գիտի որ դրա համար պատասխան տալ էլ կա:

Ի դեպ վերը նշված տեղեկատվության հետ կապված, փորձեցինք ստանալ նաեւ Աբրահամյան եղբայրների մեկնաբանությունը, բայց ապարդյուն:

Fnews.am-ը նախ փորձեց ստանալ ՀՀ նախկին վարչապետ Հովիկ Աբրահամյանի մեկնաբանությունը, ով ողջ օրվա ընթացքում այդպես էլ անհասանելի էր…
Մի քանի անգամ փորձեր կատարելուց հետո, մենք զանգահարեցինք նաեւ Ջոնիկ Աբրահամյանի բջջային հեռախոսին, (ում հետ առիթներ եղել են նույն հեռախոսահամարով խոսելու), սակայն մեզ պատասխանեց Ջոնիկ Աբրահամյանի ձայնին խիստ նման մի տղամարդ ու ասաց հետեւյալը...

-Ազիզ ջան, դուք սխալ եք զանգել, Ջոնիկ Աբրահամյանը չի:

-Կներեք, բայց այս նույն հեռախոսահամարով մենք բազմիցս խոսել  ենք Ջոնիկ Աբրահամյանի հետ, եւ Ձեր ձայնն էլ խիստ նման է Ջոնիկ Աբրահամյանի ձայնին:

-Ազիզ ջան, հիմա դու ձայներն ե՞ս ջոգըմ, թե՞ համարները:Ջոնիկ Աբրահամյանն ո՞վ ա, ոչ մեկին չեմ ճանաչում: 

-Հովիկ Աբրահամյանի եղբայրը:

-Հովիկ Աբրահամյանին էլ չեմ ճանաչում ազիզ ջան:
Ազիզ ջան, մի քիչ շատ չ՞ես խոսում, յա՜: Արդեն շատ հարցեր տվիր իրանց վրով, յա՜...

Ու անջատեց հեռախոսը :

Մեկնաբանությունները՝ թողնում ենք ընթերցողին: