Ադրբեջանական գերությունից վերադարձած Արսեն Խոջոյանը կրկին առողջական խնդիրներ ունի

Տավուշի մարզի Վերին Կարմիրաղբյուր գյուղի՝ ադրբեջանական գերությունից վերադարձած 23-ամյա բնակիչ Արսեն Խոջոյանի մոտ մաշկային հիվանդությունը կրկին «գլուխ է բարձրացրել»: Այս մասին Tert.am-ի հետ զրույցում ասաց նրա մայրը՝ Սվետա Խոջոյանը:

«Հնար չունենք, որ նորից տանենք հիվանդանոց, բայց ոտքը ցավում է: Ոտքի վրա էլի հետքեր կան, որոնք առաջացել են սթրեսներից: Թևերին եղել, անցել են, բայց ոտքինը չի անցնում»,-ասաց տիկին Սվետան:

Հիշեցնենք, որ գերությունից վերադառնալուց հետո Արսեն Խոջոյանի մոտ ախտորոշվել է «վուլգար փսորիազ» հիվանդությունը: