ԱԺ պատգամավոր Արամ Մանուկյանի վրա հարձակման մեջ կասկածվող անձը բերման է ենթարկվել ոստիկանություն

Ոստիկանության Երևան քաղաքի վարչության և Արաբկիրի բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է դեկտեմբերի 11-ին, երեկոյան, ԱԺ պատգամավոր Արամ Մանուկյանի վրա հարձակման ենթարկած և մարմնական վնասվասվածքներ պատճառած կասկածյալի անձը:

Ինչպես հայտնում է ՀՀ ոստիկանությունը, կասկածյալը 1973 թ. ծնված Արշակ Սվազյանն է, ով դեկտեմբերի 14-ին, ժամը 7.30-ի սահմաններում, Երևանի Ծովակալ Իսակովի 30 հասցեի մոտից բերման է ենթարկվել ոստիկանություն:

Կատարվում է քննություն: