ԱԺ պատգամավոր, գործարար Արտակ Սարգսյանը «պատերազմ է հայտարարել» կտրոններին.

Ճանապարհային ոստիկանությունը բազմիցս հորդորել է, որ վարորդները, պահպանելով ճանապարհային երթևեկության կանոնները, նաև իրենց տրանսպորտային միջոցների դիմապակուն պետք է ունենան տեխզննման կտրոն, մինչդեռ որոշ մեքենայատերեր արհամարհում են ՃՈ-ի հորդորները: Երեկ՝ նոյեմբերի 4-ին, ֆոտոլրագրող Գագիկ Շամշյանը լուսանկարների շարք է արել, որոնցում երևում է, որ Mercedes մակնիշի 058 ՕՕ 01 համարանիշի ավտոմեքենայի դիմապակուց բացակայում է տեխզննման կտրոնը: Ֆոտոլրագրողի տեղեկություններով՝ նշված ավտոմեքենայով ճեմում է ԱԺ պատգամավոր, գործարար, «ՍԱՍ» սուպերմարկետների ցանցի սեփականատեր, «Սասի Արտակ» մականվամբ Արտակ Սարգսյանը: