Ահաբեկչության մասին ամիսներ շարունակ «նախազգուշացնող» անձը կկանգնի դատարանի առջև

Փաստինֆոն գրում է.Ավարտվել է ահաբեկչության մասին սուտ հաղորդում տալու մասին, ոչ ավել ոչ պակաս 7 դրվագով, գործով նախաքննությունն ու ուղարկվել դատարան:

Բոլոր յոթ հաղորդումների հեղինակը, ըստ նախաքննական մարմնի, նույն անձնավորությունն է՝ Արմավիրի մարզի Մայիսյան գյուղի 26-ամյա բնակիչ Դավիթ Հակոբյանը, ով իր անվամբ գրանցված ու իր կողմից շահագործվող երկու հեռախոսից ընթացիկ տարվա մայիսից մինչև հոկտեմբեր ընկած ժամանակատվածում զանգահարել է ոստիկանություն ու «նախազգուշացրել» ահաբեկչության մասին:

Ընդ որում, հետաքրքրական է, որ բոլոր դեպքերում մեղադրյալի «հոգատարության» կենտրոնում եղել է ՊՆ համակարգը՝ Պաշտպանության նախարար Սեյրան Օհանյանի գլխավորությամբ:

Այսպես, ըստ մեղադրանքի՝ նա 2014թ. մայիսի 15-ին ժամը 14:30-ին զանգահարել է ՀՀ ոստիկանության Երևան քաղաքի վարչության օպերատիվ կառավարման կենտրոնի 1-02 հեռախոսահամարին և նախապատրաստվող ահաբեկչության մասին սուտ հաղորդում է տվել այն մասին, թե իբր ՀՀ ՊՆ կենտրոնական կայազորային զինվորական հոսպիտալի պետի աշխատասենյակում ռումբ է տեղադրված:

Երեք օր անց մեղադրյալը, ըստ նախաքննական մարմնի, զանգահարել է ՀՀ ոստիկանության Երևան քաղաքի վարչության օպերատիվ կառավարման կենտրոն և նախապատրաստվող ահաբեկչության մասին սուտ հաղորդում է տվել այն մասին, թե իբր ՀՀ ՊՆ Սեյրան Օհանյանի և ՀՀ ՊՆ Մուրացանի կայազորի զինվորական հոսպիտալի պետի աշխատասենյակներում ռումբեր են տեղադրված:

մանրամասները` սկզբնաղբյուրում