ԱՄՆ-ն Ռուսաստանի 3 քաղաքացու մեղադրում է «լրտեսության» մեջ

Ռուսաստանի և ԱՄՆ-ի հարաբերություններն ավելի են սրվել այն բանից հետո, երբ նյու Յորքում կալանավորվելէ Ռուսաստանի քաղաքացի Եվգենի Բուրյակովը և մեղադրվել լրտեսության մեջ: Այս մասին տեղեկացնում է «The Guardian»-ը:

39-ամյա Եվգենի Բուրյակովը, ով ձերբակալվել է երկուշաբթի օրը Նյու Յորքի Բրոնքս թաղամասում, մեղադրվում է Ռուսաստանի օգտին լրտեսություն անելու նպատակով դավադրություն նյութելու մեջ:

ԱՄՆ իշխանությունները հեռակա կարգով նույն մեղադրանքն առաջադրել են նաև Ռուսաստանի քաղաքացիներ 40-ամյա Իգոր Սպորիշևին և 27-ամյա Վիկտոր Պոդոբնուն, ովքեր, Նյու Յորքի դատախազության մամուլի ծառայության փոխանցմամբ, գտնվում են ԱՄՆ-ի սահմաններից դուրս:

Ինչպես հաղորդվում է, Ռուսաստանի երեք քաղաքացիների առաքելությունն էր հավաքագրել ամերիկացիներին և «տնտեսական հետախուզություն» իրականացնել, այսինքն՝ իմանալ ամեն ինչի գաղտնիքները՝սկսած բանկիրների ծրագրերից մինչև ԱՄՆ քաղաքականության, ինչպես նաև՝ արդյունաբերության աշխատանքի մանրամասները:

Նրանք մեղադրվում են նաև Ռուսաստանի առաջատար պետական լրատվական ծառայությանը ինֆորմացիա հավաքելու հարցում օգնելու մեջ, որն օգնում է Արտաքին հետախուզության ծառայությանը:

Ըստ քրեական գործի նյութերի՝ Բուրյակովը, ով աշխատում է Արտաքին հետախուզության ծառայության համար, մուտք է գործել Ամերիկա և ներկայացել որպես Նյու Յորքում ռուսական բանկի աշխատակից և Սպորիշևին ու Պոդոբնուն տեղեկություններ է տրամադրել՝ գաղտնի մեթոդների և կոդավորված հաղորդագրությունների միջոցով:

Ինչպես հաղորդվում է, Իգոր Սպորիշևն աշխատել է ռուսական առևտրային ներկայացուցչությունում, իսկ Պոդոբնին՝ ՄԱԿ-ի ՌԴ ներկայացուցչությունում: Եվգենի Բուրյակովը ռուսական «Արտէկոնոմբանկի ներկայացուցչի տեղակալն է, սակայն, ինչպես հաղորդում է «The Guardian»-ը, այս տեղեկությունը պաշտոնապես չի հաստատվել»: