ԱՄՆ-ում մի կին որպես աղբ հանձնել է 200 հազար ԱՄՆ դոլար արժողությամբ համակարգիչը

ԱՄՆ-ում մի կին որպես աղբ հանձնել է 200 հազար ԱՄՆ դոլար արժողությամբ համակարգիչը: Այն Apple ընկերության հիմնադիրներ՝ Սթիվ Ջոբսի, Սթիվ Վոզնյակի և Ռոն Ուեյնի ստեղծած համակարգիչների առաջին մոդելներից է:

ԱՄՆ Սիլիկոնյան հովտի թափոնների ընդունման կետը փնտրում է Apple ընկերության առաջին համակարգիչներից մեկի յուրահատուկ մոդելը որպես աղբ հանձնած կնոջը:

1976 թ.-ին ընդամենը 200 օրինակից արտադրված այդ համակարգչի արժեքը մոտ 200 հազար ԱՄՆ դոլար է: Այս մասին, «Կոմսոմոլսկայա պրավդան Ուկրաինայում» կայքի փոխանցմամբ, հայտնում է San Jose Mercury News պարբերականը:

Ընկերությունը պատրաստ է յուրահատուկ սարքը հանձնած կնոջը վճարել 100 հազար ԱՄՆ դոլար: