Ամուսնու ընկերոջը դանակահարած կինը ձերբակալվել է.video

Հուլիսի 6-ի երեկոյան «Էրեբունի» ԲԿ-ից ոստիկանական բաժանմունք ահազանգ է ստացվում, թե որովայնի ձախ կեսից ծակած-կտրած ախտորոշմամբ հիվանդանոց բուժօգնության է դիմել 1957 թվականին ծնված Խաչիկ Գրիգորյանը:

Հիվանդանոցում պարզվում է, որ Խ. Գրիգորյանը բժիշկներին պատմել է, թե վնասվածք է ստացել տանը՝ խորովածի շշով անզգույշ շարժումից, սակայն օպերատիվ հետախուզական գործողությունների արդյունքում պարզվել է, որ նա փորձել է կոծկել իրականությունը:

Պարզվել է, որ Ջրաշենի հարակից տարածքում գտնվող սրճարաններից մեկում, Խաչիկը վնասվածք է ստացել կազմակերպված մի խնջույքի ժամանակ: Ուտել-խմելուց հետո խնջույքի մասնակիցները որոշել էին խնջույքն ամփոփել ծեծկռտուքով, որի ժամանակ և վնասվել էր Խաչիկը:

Խնջույքի կազմակերպիչ Մքասիմ Մուրադյանը Խաչիկին ու խնջույքի մյուս մասնակիցներին հորդորել էր կանանց մոտ չհայհոյել, որից և առաջացել էր վիճաբանությունը:

Քննության ընթացքում, սակայն, պարզվել է, որ Խաչիկին վնասվածք հասցնողը ոչ թե Մաքսիմ Մուրադյանն է, այլ նրա կինը` Գոհար Մարտիրոսյանը:

Մանրասմաները` տեսանյութում: