ԱՊՊԱ պայմանագիր չկնքելու դեպքում կտուգանվեք մինչև 100 000 ՀՀ դրամի չափով

Հայաստանի ավտոապահովագրողների բյուրոն հորդորում է բոլոր այն անձանց, ում ԱՊՊԱ պայմանագրի ժամկետն ավարտվել է կամ մոտենում է ավարտին, ժամանակին միջոցներ ձեռնարկել` նոր ԱՊՊԱ պայմանագիր կնքելու համար:

Բյուրոն հիշեցնում է, որ ԱՊՊԱ պայմանագիր չկնքելու դեպքում կտուգանվեք մինչև 100 000 ՀՀ դրամի չափով:

Մասնավորապես, «Վարչական իրավախախտումների վերաբերյալ» ՀՀ օրենսգրքի 129.2-րդ հոդվածի համաձայն`

• յուրաքանչյուր տրանսպորտային միջոցի համար կնքված գործող ԱՊՊԱ պայմանագիր չունենալը, որը տևել է ավելի քան տասն օր`առաջացնում է տուգանքի նշանակում յուրաքանչյուր տասն օրվա համար` 5 հազար ՀՀ դրամի չափով, սակայն յուրաքանչյուր տարվա համար` ոչ ավելի, քան 100 հազար ՀՀ դրամի չափով,

• առանց տվյալ տրանսպորտային միջոցի համար կնքված գործող ԱՊՊԱ պայմանագիր ունենալու` ՀՀ տարածքում ընդհանուր օգտագործման ավտոմոբիլային ճանապարհներով տրանսպորտային միջոցը վարելն առաջացնում է տուգանքի նշանակում՝ 100 հազար ՀՀ դրամի չափով: