Առաքել Մովսիսյանի վարորդը չի հարձակվել Արամ Մանուկյանի վրա

ԱԺ «Հանրապետական» խմբակցության պատգամավոր Առաքել Մովսիսյանը երբեևէ Արշակ Սվազյան անուն ազգանունով վարորդ չի ունեցել: Այս մասին Մովսիսյանն ասաց Slaq.am-ի հետ զրուցում՝ անդրադառնալով մամուլի այն հրապարակումներին, թե իբր ԱԺ պատգամավոր Արամ Մանուկյանի վրա հարձակում կատարելու կասկածանքով ձերբակալված Արշակ Սվազյանն իր վարորդն է եղել:

Առաքել Մովսիսյանը դատապարտեց Արամ Մանուկյանի նկատմամբ իրականացված բռնությունը և նշեց, որ ինքը արցախյան պատերազմի մասնակցի է և շրջապատված է ազատամարտին մասնակցած մարդկանցով.«Էտ ազատամարտիկների ձեռագիրը չի, թաքուն, որ խփեն ու փախնեն: Իրենք իրենց ասելիքն ասում են բարձրաձայն, առան որևէ մեկի թիկունքում թաքնվելու»,- ասաց Առաքել Մովսիսյանն ու հավելեց, որ ցավ է ապրում, որ առանց ճշտելու իր անունը հոլովում են և վստահ է, որ ինչպես ոստիկանությունն արագ հայտնաբերեց ու ձեռբարակալեց կասկածյալին այնպես էլ արագ կբացահայտի , թե ով՝ ով է: