Առերեսումից հետո շատ բան է պարզվել...

«Առերեսումից հետո, գործում որևէ նոր բան չկա, մեզ ոչ զանգել են ոչ էլ, գործում որեւէ նորություն չկա»,- Fnews.am-ի հետ զրույցում ասաց սեպտեմեբրի 21-ին ծեծի ենթարկված ազաատամարտիկ Սմբատ Հակոբյանը:

Հակոբյանը տեղեկացրեց, որ իր պաշտպանյալը՝ Տիգրան Հայրապետյանն այլևս իր շահերը չի պաշտպանում: «Ժամանակի առումով խնդիրներ ուներ, այդ իսկ պատճառով էլ այժմ նոր պաշտպան ունեմ՝ փաստաբան Արմեն Խաչատրյանը:
Ի դեպ, ազատամարտիկ Սմբատ Հակոբյանին ծեծի ենթարկելու դեպքով հարուցված քրեական գործի շրջանակներում կալանավորված 3 անձանցից մեկին՝ Հակոբ Պետրոսյանին գրավի դիմաց ազատ են արձակել, մյուս  երկուսը դեռ կալանավորված են:
«Մենք դեռ մեր հույսը չենք կորցրել վստահ ենք,որ գործը բացահայտվելու և իրական մեղավորները պատժվելու ենք»: 
Սմբատ Հակոբյանի պաշտպանն էլ մեզ հետ զրույցում ասաց, որ Ռուբեն Հայրապետյանի և Սմբատ Հակոբյանի առերեսումից հետո շատ բան է պարզ դարձել.«Կան մի շարք հանգամանքեր, որոքն ի հայտ են եկել, սակայն դեռ վաղ է այդ մասին խոսել, երբ կարիքը լինի կասենք: Միայն, այս պահին այն կարող եմ ասել, որ ամեն ինչ իր հունով գնում է շատ շուտով կբացահյտվի,  թե ով է կանգնած ծեծի հետևում »,-ասաց պաշտպանը:
Սմբատ Հակոբյանի ազատամարտիկ ընկերներից էլ՝ Ռազմիկ Պետրոսյանն ասաց, որ իրենք Սմբատ Հակոբյանի կողքին են և եթե նորից կարիք լինի դուրս կգան փողոց և կպահանջեն արդարություն: «Քանի որ այս պահին իրավաբաններն են զբաղվում սույն գործով,  մենք ձեռնպահ ենք մնում և ուշադիր հետևում ենք այդ գործընթացին և նորություններին»: 

Հիշեցնենք, որ ՀՀ քննչական կոմիտեի Երևան քաղաքի Կենտրոն և Նորք-Մարաշ վարչական շրջանների քննչական բաժնում քննվող քրեական գործով այսօր 3 անձի մեղադրանք է առաջադրվել՝ Սմբատ Հակոբյանին ծանր մարմնական վնասվ պատճառելու համար: Նախաքննության ընթացքում ձեռնարկված քննչական և դատավարական գործողությունների արդյունքում բավարար ապացույցներ են ձեռք բերվել, որ մի խումբ անձինք 2015թ. սեպտեմբերի 21-ին՝ ժամը 15-ի սահմաններում, Երևան քաղաքի Աբովյան փողոցի 2/2 հասցեում գտնվող շինհրապարակի մոտ բռնություն են գործադրել Ս.Հակոբյանի նկատմամբ՝ պատճառելով ծանր մարմնական վնաս։Ձեռք բերված ապացույցների համակցությամբ՝ Երևանի բնակիչներ Հ.Պետրոսյանին, Ա.Սարգսյանին և Ա.Գրիգորյանին սեպտեմբերի 26-ին մեղադրանք է առաջադրվել՝ մի խումբ անձանց կազմում, դիտավորությամբ Ս.Հակոբյանին ծանր մարմնական վնաս պատճառելու համար՝ ՀՀ քրեական օրենսգրքի 112-րդ հոդվածի 2-րդ մասի 6-րդ կետով։ Քննիչը միջնորդություն է ներկայացրել դատարան՝ նրանց նկատմամբ որպես խափանման միջոց կալանավորումը կիրառելու վերաբերյալ։