Արմեն Երիցյանը չգիտի՝ կշարունակի՞ պաշտոնավարել, թե՝ ոչ

Փաստինֆոն գրում է. 
Ո՞վ է լինելու ԱԻ և տարածքային կառավարման նախարարությունների միավորման արդյունքում նոր ձևավորվող գերատեսչության ղեկավարը և արդյոք նա կատարելու՞ է նաև փոխվարչապետի պարտականությունները, ԱԻ նախարար Արմեն Երիցյանը չգիտի:

Այս մասին նախարարը լրագրողներին հայտնեց կառավարության նիստի ավարտին, հավելելով, որ եթե իրեն առաջարկեն, ինքը կմտածի:

Նշենք, որ ինչպես այսօր կառավարության նիստում զեկուցեց ՀՀ կյառավարության աշխատակազմի ղեկավար-նախարար Դավիթ Հարությունյանը, «ՀՀ կառավարության կառուցվածքի մասին օրենքում» առաջարկվող փոփոխությունը համարվեց անհետաձգելի և ուղարկվեց ԱԺ ընդունմանը:

Ինչպես արդեն տեղեկացրել ենք, կառավարությունը որոշել է միավորել ԱԻ և տարածքային կառավարման նախարարությունները` մեկ գերատեսչության կազմում: Բացի այդ, նույն որոշմամբ, կստեղծվի նաև մեկ նոր նախարարություն` Միջազգային տնտեսական ինտեգրացիայի և բարեփոխումների: