Արտակ Շաբոյան. «Փոխարժեքի կայունացումից հետո գները մեծ չափով իջել են»

ՏՄՊՊՀ-ն դիտարկումներ է անցկացնում խոշոր ընկերությունների զբաղեցրած ապրանքային շուկաներում:

«Դրանք են` շաքարավազը, ալյուրը, ձեթը, կարագը, կաթնամթերքը, ձուն, բենզինը»,- այսօր կառավարության նիստի ավարտին լրագրողների հետ ճեպազրույցում ասաց ՏՄՊՊՀ նախագահ Արտակ Շաբոյանը` հավելելով, որ գնագոյացման հաշվարկներ կատարելու համար հանձնաժողովն այդ տնտեսվարողներից տեղեկատվություն է պահանջել:

Ու թեև ուսումնասիրությունները դեռ ընթացքի մեջ են, բայց նախնական տվյալներով, ըստ Շաբոյանի, «դրամի կտրուկ արժեզրկումը շատ լուրջ ազդեցություն է թողել գների վրա, և փոխարժեքի կայունացումից հետո գները մեծ չափով իջել են»:

Անդրադառնալով բենզինի շուկայում կատարված ուսումնասիրությունների արդյունքներին՝ ՏՄՊՊՀ նախագահը նշեց, որ սեպտեմբեր ամսից սկսած պարբերաբար նվազել են` 470 դրամից հասնելով 440 դրամի`բարձրանալով 6-7%-ի չափով:

Արտակ Շաբոյանը հիշեցրեց, որ նույն ժամանակահատվածում փոխարժեքի արժեզրկումը կազմել է 13% և եզրակացրեց. «Եթե արժեզրկումը չլիներ, բենզինի գների շարունակական նվազումը կլիներ ակնհայտ»:

Արդրադառնալով այն հարցին, թե նավթամթերքի միջազգային գների կտրուկ նվազումը հայաստանյան շուկայում չի ուղեկցվում բենզինի գների նվազմամբ, Արտակ Շաբոյանն ասաց. «Գնագոյացման հաշվարկները ցույց են տալիս հետևյալը. առաջին` նավթի արժեքը փոքր տեսակարար կշիռ է կազնմում բենզինի գնի մեջ` մինչև 10%, նավթի վերամշակման վրա բավական մեծ ծախսեր են արվում, որը մեծացնում է բենզինի արժեքը, բացի այդ, մեր երկրում բենզինի գնի մեջ բավական մեծ կշիռ են կազմում հարկեը: