Արտակարգ դեպք Կենտրոն դատարանում. բանդայի գործով մի քանի ամբաստանյալներ փորձել են դիմել փախուստի

SHAMSHYAN.com-ի տեղեկություններով՝ օրեր առաջ արտակարգ դեպք է տեղի ունեցել Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում:

Բանդայի գործով դատական նիստի ժամանակ ծեծկռտուք է տեղի ունեցել և փոխադարձ մեղադրանքներ են հնչել մի քանի անձանց միջև, որից հետո կալանավորված անձանցից 3 հոգին փորձել են դիմել փախուստի: Անգամ կարողացել են անցնել ուղեկցող ոստիկանների պատնեշը և միայն դատարանի բակում նրանց կարողացել են վնասազերծել դատարանի կարգադրիչները: 

Ինչպես հայտնում է ֆոտոլրագրող Գագիկ Շամշյանը, այս ամենը տեսաձայնագրվել է դատարանի տեսախցիկներով: 

SHAMSHYAN.com-ը փորձում է պարզել՝ արդյո՞ք դեպքի փաստով ծառայողական քննություն նշանակվել է, թե՞ ոչ: