Աշոտ Ավետիսյանը՝ Տարվա Մարդ

ՏԱՐՎԱ ՄԱՐԴ 2017 

«Հայերն Աշխարհով» նախագիծը՝ 2017 թ. «Տարվա Մարդ» է ճանաչել գործարար, Սեւանի Հացի գործարանի տնօրեն Աշոտ Ավետիսյանին, ով իր բազմամյա գործունեության ընթացքում մշտապես կարողացել է պահպանել առաջատարի դիրքերը՝ նախ հացի արտադրության ոլորտում, երկրորդ՝ որպես գործարար, տարբեր ձեռնարկների մեջ աչքի է ընկել հատկապես իր մարդասիրական գործունեությամբ:

Հացը՝ մարդու մեծագույն արարումն է

Որի արտադրության ընթացքում առանձնահատուկ վերաբեմունք է պահանջվում: Հացի և հացաբուլկեղենի շուկայում առաջատար դիրք զբաղեցնող «Սեւանի Հացի գործարանը» իր նախապատմությունն ունի. հատկապես 1997թ-ին մասնավորեցման գործընթացից հետո, երբ այն վերանվանվեց Սեւանի հացի գորածարան, սկսեց ակնառու զարգացում ապրել վերջին երկու տասնամյակի ընթացքում՝ ոլորտի առաջատար, եւ աշխատանքային լուրջ ճանապարհ անցած Աշոտ Ավետիսյանի շնորհիվ:

Նշենք, որ Սեւանի Հացի Մայր գործարանը գտնվում է Սեւան քաղաքում, իսկ 27 արտադրամասերը գործում են Երեւանում: Բարեխիղճ աշխատակիցների գործունեության արդյունքում այսօր մեծ քանակությամբ հացամթերք է արտադրվում եւ իրացվում խոշոր առեւտրային կենտրոններում:

Հացի արտադրման ոլորտում 35-ից ավել տարիների փորձ ունեցող, գործարանի հենասյուն, մասնագիտությամբ մաթեմատիկ Աշոտ Ավետիսյանը հացի արտադրության մեջ նախ եւ առաջ կարեւորում է մարդկային ներուժը, հացի պատրաստման մասնագիտական կարողությունների առկայությունը, որակը, որն այսօր կարեւոր նախապայման է՝ այս ոլորտում:

Կամ ինչպես գործարար Աշոտ Ավետիսյանն է տարբեր առիթներով իր խոսքում կարեւորում.

«Հացթուխը պետք է անպայման խիղճ ունենա, քանի որ նրա արտադրանքն է առաջինը տեղ գնում սեղանին, իսկ հայերս շատ հաց սպառող ժողովուրդ ենք: Հացի արտադրության ոլորտում՝ որպես առաջնահերթություն չպետք է դիտարկել շահութաբերությունը: Կարեւոր տեղ պետք է զբաղեցնի որակյալ եւ սպառողի առողջությանն ու քիմքին համահունչ հացամթերք արտադրելու պատրաստակամությունը»:

Ի դեպ, Սեւանի Հացի գործարանում, այսօր արտադրվում է 55-60 տեսակի հացամթերք, չնայած որ շուկայում մշտապես պահանջարկ ունեն ավանդական հացատեսակները՝ լավաշն ու մատնաքաշը, որոնցում թթվայնության մակարդակը բավականին քիչ է: Լավաշի արտադրման նոր հոսքագծով արտադրվող լավաշի համն ու բույրը, սպառողներից շատ-շատերի կարծիքով այսօր անմրցելի է…

Նշենք նաեւ, որ Սեւանի Հացի Գործարանում նախապատվությունը տրվում է հիմնականում ազգային հացատեսակների արտադրմանն եւ զարգացմանը: 

Այնպես որ, զարմանալի չէր, որ սպառողների շրջանում անցկացված հարցումների արդյունքում մեկ անգամ եւս, տեսակետներ հնչեցին այն մասին, որ մեր հայկական հացամթերքը ամենալավն է՝ մյուս ազգային հացատեսակներից:

Չմոռանալով առաջին հերթին մատնանշել՝ Սեւանի Հացի Գործարանի արտադրանքի՝ լավաշի ու մատնաքաշի որակի ու համի մասին:

Մեր ազգը պետք է հպարտանա այն հանգամանքով, որ այսօր աշխարհի գրթե բոլոր ազգությունները համտեսում են հայկական լավաշը: Ահա այս կարծիքին էին մեր համաքաղաքացիներից շատ-շատերը, ովքեր գրեթե ամեն օր օգտվում են Սեւանի Հացի գործարանի արտադրած հացատեսակից:
Սակայն, հետաքրքիրն այն է, որ շուկայում զբաղեցնելով առաջատարի դիրքերը, Աշոտ Ավետիսյանը չի օգտվում այդ առիթից, եւ գանագոյացման հարցում՝ շուկայում բարեխիղճ մոտեցում է դրսեւորւոմ:
Ձգտում են՝ ամենամատչելի գինն առաջարկել:

Ու ինչպես Ա. Ավետիսյանն է նշում իր խոսքում.

«Այսօր շուկայում ամենամատչելին մեր գործարանի հացն է, քանի որ մեծ քանակություն ենք ապահովում, եւ հաշվի ենք առնում նաեւ ժողովրդի սոցիալական վիճակը. մենք մեր հնարավորության սահմաներում աշխատում ենք հացի գինը ցածր սահմանել՝ միաժամանակ պահպանելով մեր հացի համն ու որակը»:

Սպառողին որակյալ ու համեղ հացամթերք արտադրող «Սևանի հացի գործարանը» Հայաստանի Հանրապետության հացի շուկայի առաջատարն է:

Հենց այնպես ոչինչ չի լինում. Ի պատասխան ընկերության նվիրված և հետևողական աշխատանքի, Սեւանի Հացի Գործարանը արժանացել է «Որակի նշան» հավաստագրին:
Պատահական չէր նաեւ այն, որ «Արմպրոդ էքսպո» 2015 ցուցահանդեսի փակման հանդիսավոր արարողության ժամանակ, ազգային համեղ հացատեսակները ներկայացնող «Սևանի հացի գործարան»-ը, արժանացավ ոսկե մեդալի՝ բարձրորակ արտադրության համար; 

Ի դեպ, ընկերությունը՝ Համազգային Վստահության խորհրդի կողմից նույնպես բազում մրցանակների է արժանացել: 

Իսկ Սեւանի Հացի Գործարանի տնօրեն, գործարար ու բարերար Աշոտ Ավետիսյանը՝ ով Գեղարքունիքի մարզի Լճաշեն համայնքից է, տեղեկացանք նաեւ, որ բացի իր աշխատանքի մեջ ձեռք բերած հաջողություններից ու ներդրումնեևրից , իր մեծ լուման ու ներդրումն ունի նաեւ բազում նախաձեռնություններում ու արժանավայել գործերում, որոնք որ կյանքի են կոչվել հենց նրա բարի կամքի շնորհիվ:

Ու ինչպես Աշոտ Ավետիսյանին էին բնորոշում իր ծննդավայր Լճաշենում.

«Մեր Ավետիսյանը՝ հոգով ու սրտով լճաշենցի է. իր գյուղի, իր համագյուղացու կողքին կանգնած, մշտապես նրանց հետ ու նրանցից անբաժան: Սեւանի Հացի գործարանում աշխատողների հենց մեծամասնությունն էլ՝ Լճաշենից է: Նրանց ամեն օր սեփական միջոցներով տեղափոխում է Լճաշեն-Երևան և հակառակ ուղղությամբ: Հարկ է առանձնահատուկ ընդգծել, որ միայն այս քայլը սոցիալ-տնտեսական նշանակության առումով, լուրջ խնդիր է լուծում, և իրոք, նրա մարդասիրական գործունեությունը իսկապես դրվատանքի է արժանի:

Տեղեկացանք նաեւ, որ Աշոտ Ավետիսյանը աջակցություն է ցուցաբերել հարազատ գյուղի զբոսայգին կառուցելու ժամանակ: Նրա աջակցության շնորհիվ, փոխվել էին գյուղի մարզադպրոցի բոլոր պատուհանները, նաեւ գյուղի արվեստի դպրոցի, արարողությունների սրահի պատուհանները: Լճաշենցիներից շատերը նշեցին, որ գյուղը շեն-շնորհքի բերելու գործում՝ անուրանալի է Աշոտ Ավետիսյանի ունեցած ավանդը: Միեւնույն ժամանակ, տեղեկացնելով, որ գյուղի մանկապարտեզում ևս, նրա օգնությամբ բազում աշխատանքներ են իրականացվել:

Իսկ Մսուր-մանկապարտեզը, որը գործում է շուրջտարի, ապա այնտեղ էլ, Աշոտ Ավետիսյանի նախաձեռնությամբ, ամեն օր թարմ հաց է մատակարարվում՝ անվճար: Առհասարակ, նա համայնքի համար շատ բան է արել, այնքան, որ անհնար է մեկ առ մեկ թվարկել:

Աշոտ Ավետիսյանը ծնվել է 1954 թ. հոկտեմբերի 25-ին Լճաշեն գյուղում: Դպրոցն ավարտել է գերազանց առաջադիմությամբ: Սովորել է ԵՊՀ կիրառական մաթեմատիկայի ֆակուլտետում` ավարտելուց հետո ստանալով մաթեմատիկոս-տնտեսագետի որակավորում: Աշխատել է գազաֆիկացման պետական կոմիտեի հաշվողական կենտրոնում: 1983 թ. աշխատել է հացամթերքների նախարարությունում` մատակարարման բաժնի վարիչ, այնուհետև` գիտաարտադրական միավորման տնօրեն: 1984-ից աշխատել է Սևանի հացի գործարանում` փոխտնօրեն, ապա սեփականատեր: 2004 թ. ճանաչվել է Սևան քաղաքի տարվա մարդ, իսկ 2008-ին` Լճաշենի տարվա մարդ:

Գործարար, բարեգործ Աշոտ Ավետիսյանը միշտ կանգնած է հայրենի գյուղի և համագյուղացիների կողքին, իր արդար աշխատանքով ապավեն ու հենարան է հայրենի եզերքի, եւ ընդհանրապես հասարակության համար:

Նա մարդ է, ում կյանքի նպատակը ծառայելն է իր ժողովրդին, հայրենիքին ու հարազատ համայնքին:

Նա իր ողջ գիտակցական կյանքում ստեղծել ու արարել է, աշխատել է դառը քրտինքով, չարչարանքի ու ճկուն մտքի շնորհիվ հասել է հաջողությունների: Արժանապատվորեն պահելով իր ընտանիքը, միաժամանակ օգնել ու օգնում է բազմաթիվ ընտանիքների` ստեղծելով հազարավոր նոր աշխատատեղեր: Այդ ամենն անում է մաքուր ու արդար ճանապարհով:
Արդեն երկար տարիներ դուրս գալով հայրենի գյուղից, Աշոտ Ավետիսյանը շարունակել է ամուր կառչած մնալ իր արմատներին, հայրենի հողին: Եվ դա ամեն անգամ ապացուցում է այն սիրով ու հավատարմությամբ, որ տածում է ծննդավայրի, եւ մարդկության հանդեպ:
Մարդասիրություն, մեծահոգություն, բարեսրտություն. սրանք լոկ հատկանիշներ չեն, այլ` արժանիքներ, որ տրվում են ոչ բոլորին:

Իսկ անձամբ Աշոտ Ավետիսյանի համար, այսկյանքում ամեն ինչ անցողիկ է` գումար, պաշտոն… Մնայուն են մարդկայինլավ փոխհարաբերությունները, սերն ու հարգանքը: