Աշխարհահռչակ կտավների առեղծվածային գաղտնիքները. Ֆոտոշարք

Իրենց գաղտնիքներն ունեն անգամ գեղանկարչության գլուխգործոցները, որոնք մեզ լավ ծանոթ են թվում:

Ներկայացնում է դրանցից մի քանիսը.

Սալվադոր Դալիի վրեժը

«Ֆիգուր պատուհանի մոտ» նկարը Դալին նկարել է 1925 թ.՝ 21 տարեկանում: Այդ ժամանակ նկարչի մուսան իր քույրն էր՝ Անա Մարիան: Նրանց հարաբերությունները փչացան, երբ նա կտավներից մեկի վրա գրեց. «Երբեմն ես թքում եմ սեփական մորս դիմանկարի վրա, ու դա ինձ հաճույք է պատճառում»: Անա Մարիան չկարողացավ ներել այդ արարքը:

1949թ. «Սալվադոր Դալին քրոջ աչքերով» իր գրքում Անա Մարիան եղբոր մասին գրում էր առանց հիացմունքի, ինչը կատաղության հասցրեց Դալիին: Ու ահա 1954թ. Դալին նկարեց «Երիտասարդ կույսը, որ սոդոմական մեղքին է տրվում սեփական առաքինության եղջյուների օգնությամբ» նկարը: Կնոջ դիրքը, մազերը, բնապատկերն ու նկարների գունային գամման հստակ առնչվում է «Ֆիգուր պատուհանի մոտ» կտավին. վարկածի համաձայն՝ Դալին այդպես է քրոջից վրեժ լուծել:

 

«Երկերեսանի Դանայան»

Ռեմբրանդտի բազմաթիվ կտավների գաղտնիքը հայտնի դարձավ միայն 20-րդ դարի 60-ականներին, երբ կտավը անցկացվեց ռենտգենյան Ճառագայթներով: Այն ցույց տվեց, որ թագուհու դեմքն ի սկզբանե նման է եղել նկարչի կնոջ՝ Սասկիայի դեմքին, սակայն վերջնական արդյունքում այն հիշեցրեց Գերտ Դիրքսի՝ նկարչի սիրուհու դիմագծերը:

 

Վան Գոգի դեղին ննջարանը

1888թ. մայիսին Վան Գոգը ոչ մեծ արհեստանոց է ձեռք բերում Առլում՝ Ֆրանսիայի հարավում: 4 սենյակներից մեկը Վինսենթն իր համար ննջարան է դարձնում: Հոտկեմբերին ամեն ինչ պատրաստ էր, ու նա սկսում է նկարել «Վան Գոգի ննջարանը Առլում»: Նկարչի համար շատ կարևոր էր սենյակի կոլորիտը, հարմարավետությունը, միաժամանակ այն նկարված է անհանգստացնող դեղին գույնով:

Հետազոտողները դա բացատրում են նրանով, որ նկարիչն ընդունում էր էպիլեպսիայի դեմ դեղամիջոց, որը խախտում էր հիվանդի գույնի ընկալումը՝ իրականությունը ներկվում էր կանաչադեղնավուն երանգներով:

 

Անատամ կատարելություն

Ընդունված կարծիքի համաձայն՝ Մոնա Լիզան կատարյալ է, ու նրա ժպիտն իր գաղտնիությամբ հիանալի է: Սակայն ամերիկացի արվեստաբան ու ատամնաբույժ Ջոզեֆ Բորկովսկին կարծում է, որ դատելով նրա դեմքից՝ Մոնա Լիզան բազմաթիվ ատամներ է կորցրած եղել:

 

Մայորը՝ face-control-ում

Հանդիսատեսը, որն առաջին անգամ տեսավ նկարիչ Պավել Ֆեդոտովի «Մայորի խնամախոսությունը» կտավը, ի սրտե ծիծաղեց, քանի որ դա հասկանալի էր այդ ժամանակաշրջանի համար: Դրանից ակնհայտորեն երևում էր, որ մայորը ծանոթ չէ պալատական էթիկետի կանոններին՝ նա ներկայացել էր առանց հարսնացուի ու նրա մոր համար նախատեսվող ծաղկեփնջերի: Բացի այդ՝ հարսնացուին հագցրել են պարահանդեսային զգեստ, չնայած դեռ չի երեկոյացել:

 

Ինչո՞ւ է Ազատությունը մերկ

Արվեստաբան Էթիեն Ժյուլիի կարծիքով՝ Դելակրուան նկարել է փարիզեցի հայտնի հեղափոխականի՝ լվացարար Աննա-Շառլոտայի դիմագծերը, որը բարիկադ էր ելել թագավորական զինվորների կողմից եղբոր սպանությունից հետո:

Նկարիչը նրան մերկ կրծքով է նկարել: Նկարչի մտահղացմամբ՝ դա համարձակության ու ինքնազոհաբերման խորհրդանիշ է, ինչպես նաև ժողովրդավարության հաղթանակը:

 

Ոչ քառակուսի քառակուսին

Իրականում Մալևիչի «Սև քառակուսին» ամենևին էլ սև չէ ու ոչ էլ քառակուսի: Իսկ մուգ գույնը ստացվել է տարբեր գույների միախառնումից, որոնց թվում սև գույն չի եղել:

 

Ծեր ձկնորսը

1902թ. հունգարացի նկարիչ Թիվադար Կոստա Չոնտվարին նկարեց իր «Ծեր ձկնորսը» կտավը: Թվում է՝ ոչ մի անսովոր ենթատեքստ չկա նկարում, սակայն Թիվադարը դրանում իմաստ էր դրել, որը նրա կյանքի օրոք այդպես էլ հայտնի չդարձավ:

Քչերի մտքով կանցնի կտավի մեջտեղում հայելի դնել: Ամեն մարդու մեջ էլ կարող է լինել ինչպես Աստված, այնպես էլ Սատանա:

 

Ավստրիական Մոնա Լիզայի մելոդրաման

Կլիմտի ամենահայտնի կտավներից մեկի վրա պատկերված է ավստրիացի շաքարային մագնատ Ֆերդինադ Բլոխ Բաուերի կինը: Ամբողջ Վիեննան էր քննարկում Ադելի ու նկարչի սիրավեպը:

Վիրավորված ամուսինը որոշեց վրեժ լուծել ու նկարչին հանձնարարեց նկարել սիրուհուն՝ ստիպելով հարյուրավոր էսքիզներ անել, մինչև նկարիչը չհիասթափվի իր կնոջից:

Բլոխ Բաուերը ցանկանում էր, որ այդ ընթացքում իր կինը տեսնի, թե ինչպես է նկարիչն իր հանդեպ դառնում անտարբեր:

blog1-in.am