Աշխարհի ամենաբարձր վարձատրվող գրողները՝ ըստ Forbes-ի (Photo)
Ամերիկյան Forbes հեղինակային ամսագիրը ներկայացրել է 2014-2015-ին ամենաբարձր վարձատրվող գրողների ցանկը։
Ամսագիրը ցանկը կազմելու ժամանակ օգտվել է տպագիր, էլեկտրոնային և աուդիոգրքերի տվյալներ պարունակող Nielsen BookScan համակարգից, որը նաև ներառում է հեղինակների ստեղծագործությունների էկրանավորումից ստացված եկամուտների մասին տեղեկություններ։
Ջեյմս Պատերսոն 
Եկամուտը՝ 89 մլն դոլար
Երկիրը՝ ԱՄՆ
Ջեյմս Պատերսոնը վերջին տարում հեղինակել է 16 գրքեր։ Նրա վեպերը վաճառվել են 30 մլն օրինակով։ Նրա հեղինակած յուրաքանչյուր գիրքը վերջին տարիներին մշտապես զբաղեցնում է առաջին տեղը New York Times-ի ամենաշատ վաճառվող գրքերի ցուցակում։ Հետաքրքրական է, որ Պետերսոնը թվային տեխնոլոգիաների դարում մինչև այժմ իր բոլոր ստեղծագործությունները գրում է ձեռքով։
Ջոն Գրին
Եկամուտը՝ 26 մլն դոլար
Երկիրը՝ ԱՄՆ
Ջոն Գրինի ամենահայտնի վեպը 2012-ի «Մեղավորն աստղերն են» գիրքն է, որի հիման վրա նկարահանված ֆիլմն անցյալ տարի 307 մլն դոլար է հավաքել համաշխարհային վարձույթում։ Ջոն Գրինը նաև ակտիվ վիդեոբլոգեր է, որտեղ նա խոսում է տարատեսակ գիտական և տեխնոլոգիական նորամուծությունների մասին։
Վերոնիկա Ռոտ
Եկամուտը՝ 25 մլն դոլար
Երկիրը՝ԱՄՆ
26-ամյա Ռոտը ռեյթինգի ամենաերիտասարդ գրողն է, ով այս տարի աշխատել է 25 մլն դոլար, որը 8 մլն դոլարով ավելին է քան անցյալ տարի։ Նրա հեղինակած «Դիվերգենտ» գիրքը 2014-ին վաճառվել է 3.9 մլն օրինակով։ Գրքի հիման վրա նկարահանվել է համանուն ֆիլմը։
Դանիելա Ստիլ
Եկամուտը՝ 25 մլն դոլար
Երկիրը՝ ԱՄՆ
Ստիլն իր 40-ամյա կարիերայի ընթացքում հեղինակել է 94 վեպեր, որոնցից առաջինը դուրս է եկել 1973-ին։ Ընդհանուր առմամբ, նրա հեղինակած գրքերն աշխարհում վաճառվել են ավելի քան 600 մլն օրինակով։
Ջեֆ Քիննի
Եկամուտը՝ 23 մլն դոլար
Երկիրը՝ ԱՄՆ
«Թուլամորթի օրագիրը» մանկական գրքի հեղինակ Ջեֆ Քիննին շարունակում է հաջողակ գրողի կարիերան՝ երկու դպրոցականների արկածների մասին պատմելով։ Նրա վերջին The Long Haul գիրքը վաճառվել է 1.4 մլն օրինակով։ Քիննիի գրքերը թարգմանվել են շուրջ 45 լեզուներով։
Ջանետ Իվանովիչ
Եկամուտը՝ 21 մլն դոլար
Երկիրը՝ ԱՄՆ
Գրող Ջանետ Իվանովիչը Ստեֆանի Պլամի մասին հայտնի դետեկտիվ վեպերի շարքի հեղինակն է։ Վերջին տարում նա հրատարակել է ևս 3 նոր գրքեր, որոնց թվում՝ Top Secret Twenty-One գիրքը։
Ջոան Ռոուլինգ
Եկամուտը՝ 19 մլն դոլար
Երկիրը՝ Մեծ Բրիտանիա
«Հարի Փոթեր» հայտնի արկածային վեպի հեղինակ Ռոուլինգը վերջերս դետեկտիվ վեպեր է գրում։ Չնայած նրա շարունակական աշխատանքին, նա միևնույնն է կայուն եկամուտ է ստանում կախարդ դեռահասի մասին վեպերի էլեկտրոնային տարբերակների վաճառքից։
Ստիվեն Քինգ
Եկամուտը՝ 19 մլն դոլար
Երկիրը՝ ԱՄՆ
Ստիվեն Քինգն իր առաջին գրքի հրատարակումից ի վեր աշխատել է ընդհանուր առմամբ 433 մլն դոլար։ 2013-ին նա հրատարակել է «Դոկտոր քուն» նոր վեպը, որը հայտնի «The Shining» ստեղծագործության շարունակությունն է։
Է.Լ. Ջեյմս
Եկամուտը՝ 12 մլն դոլարԵրկիրը՝ Մեծ Բրիտանիա
«Մոխրագույնի 50 երանգները» գրքի հեղինակ Է.Լ. Ջեյմսը շարունակում է եկամուտներ ստանալ գրքի հրատարակումից և դրա էկրանավորումից հետո։ Forbes-ը հիշեցնում է, որ 2013-ին գիրքը համարվել է աշխարհի ամենաշատ վաճառված գիրքը, որի ժամանակ Ջեյմսն աշխատել է 95 մլն դոլար։
Ջորջ Մարտին
Եկամուտը՝ 12 մլն դոլար
Երկիրը՝ ԱՄՆ
«Գահերի խաղը» վեպերի շարքի հեղինակ Մարտինը շարունակում է հաջողությամբ գրել դրա շարունակությունը։ Գրքերի վաճառքի ցուցանիշներն ընկնում են, սակայն, միևնույն ժամանակ համանուն ֆիլմի դիտումները և վարկանիշը շարունակում է բարձր մնալ։ Նա արդեն սկսել է գրել վեպի 6-րդ գիրքը։ Նշվում է, որ նա վեպի կարևոր դրվագները պատմել է ֆիլմի ռեժիսորներին, որպեսզի ֆիլմը շարունակվի նկարահանվել նույնիսկ հեղինակի մահվան դեպքում։
«Ով է իրական ընդդիմադիրը»
NewsMedia.am-ը սկսում է նոր շարք...
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Լրտեսության մեջ մեղադրվողի կալանքը երկարացրել են
Նախարարը չի ուզում ԲԿ-ի նկատմամբ վերահսկողությունը կորցնել. «Հրապարակ»
Գյումրիում ՔՊ-ն համայնքի ղեկավարի ընտրության օրակարգով արտահերթ նիստ է հրավիրել
Փողի «բազառ»՝ քաղաքապետի և նախարարի միջև
Տեղեկություններ ունենք՝ ՔՊ-ն դեմ է քվեարկելու Անկախության հռչակագրի անժամանցելիության մասին նախագծին...
