Ասում էր՝ պապ, գաս, իմ հարսանիքին իմ հետ լինես. Սողոմոն Քոչարյանի դուստրը հինգ անգամ էր նրան տեսել

Երկարատեւ պայքարի արդյունքում հիվանդության հիմքով հոկտեմբերի 22–ին պատժի հետագա կրումից ազատված ցմահ դատապարտյալ Սողոմոն Քոչարյանին միակ զավակը` Սյուզաննան, մինչեւ 2014թ. ինքնասպան լինելը ընդամենը 4-5 անգամ էր տեսել։

Սողոմոն Քոչարյանի մայրը՝ տիկին Զինան, հիշում է, որ հարսը մի քանի ամսական հղի էր, երբ որդուն դատապարտեցին մահապատժի` ավելի ուշ պատիժը փոխելով ցմահ ազատազրկմամբ: Սյուզաննան շատ փոքր է եղել, երբ երկու անգամ նրան տարել են հոր մոտ: Մինչեւ 17 տարեկան հորը ճանաչել է միայն լուսանկաներով, նրա մասին հարազատներից լսած պատմություններով:

«Հարցուփորձ էր անում պապայի մասին, ասում էր՝ իմ բոյի՞ս ա, իմ բոյի՞ս չի, ո՞նց ա բնավորությունը: Մենք էլ ասում էինք՝ պապայիդ ես նման՝ բոյով, սիրուն, ուրախանում էր»,- NEWS.am-ի հետ զրույցում պատմում է Զինա Քոչարյանը:

Սյուզաննան հորն առաջին անգամ երկարատեւ այցելության է գնացել 17 տարեկանում, երբ մայրն արդեն մահացել էր։

«Գրկել էր, բաց չէր թողնում, ասում էինք՝ Սյուզան ջան, թող՝ մենք էլ գրկենք, կարոտներս առնենք, ասում էր՝ չէ, չէ, պապայիս ոչ մեկի չեմ տա: Ասում էր՝ պապ, գաս, իմ հարսանիքին իմ հետ լինես»,- արտասուքն աչքերին հիշում է տիկին Զինան:

մանրամասն՝news.am-ում