«Բանդայի գործով» մեղադրական ճառը չհրապարակվեց

Փաստինֆոն գրում է. 
«Բանդայի գործով» այսօրվա դատական նիստը տեղի չունեցավ ՝մեղադրող Սասուն Խաչատրյանի բացակայության պատճառով: Նա այսօր պետք է հանդես գար մեղադրական ճառով:

Ինչպես դատավարության կողմերին տեղեկացրեց դատարանը, այսօր առավոտյան մեղադրողը տեղեկացրել է դատարանին, որ վատառողջ է չի կարող ներկայանալ դատարան, պատրաստ չէ մեղադրական ճառով հանդես գալ:

Դատարանը տեղեկացրեց նաև, որ հաշվի առնելով, որ մեղադրողի բացակայության պայմաններում հնարավոր չէ դատական նիստ անցկացնել՝ միջոցներ է ձեռնարկել ամբաստանյալներին անհարկի դատարան չտեղափոխելու ուղղությամբ:

Դատարանը դատական նիստը երկու շաբաթով հետաձգեց, որպեսզի մեղադրողը հասցնի ապաքինվել և ներկայանալ դատարան: