Բաքվում մեծ թվով արմատական իսլամիստներ են կալանավորվել

Հատուկ ծառայության աշխատակիցները ներխուժել են Farkli Lahmacun թեյարան, որտեղ իսլամիստները կրոնական բնույթի միջոցառում են անցկացրել: Հավաքվածների մեջ երկու անչափահասներ էլ են եղել: Միջադեպի վայրից առգրավել է նաեւ կրոնական գրականություն:

Կալանավորվածներից մի քանիսի նկատմամբ «կրոնական արարողությունների պատրվակով անչափահասների ներգրավմամբ քաղաքացիների իրավունքների դեմ ոտնձգություն» հոդվածով քրեական գործեր են բացվել:

Ենթադրվում է, որ կալանվածները կարող են կապեր ունենալ Սիրիայի եւ Իրաքի տարածքում ռազմական գործողություններին մասնակից վարձու մոջահեդների հետ:

Ադրբեջանական ԶԼՄ-ներն ավելի վաղ հայտնել էին, որ Սիրիայում  ապստամբների կողմից նախագահ Բաշար Ասադի դեմ կռվում են 3000-ից ավելի Ադրբեջանի քաղաքացիներ, իսկ Սիրիայում եւ Իրաքում ամբողջ պատերազմի ընթացքում ոչնչացվել են 350-ից ավելի ադրբեջանցիներ: 2013 թ. մայիսին Սիրիայում կռվող ադրբեջանցիները հանդես էին եկել հերթական տեսադիմումով, որում հայրենակիցներին կոչ էին արել ջիհադ (պատերազմ` հանուն հավատի)  կատարել Սիրիայում: