Բողոքի ակցիա Փարիզում՝ ի պաշտպանություն Շանթ Հարությունյանի և Վարդան Պետրոսյանի

Նոյեմբերի 9-ին Փարիզում Հայաստանի դեսպանատան առջև տեղի է ունեցել բողոքի ակցիա՝ ի պաշտպանություն դերասան Վարդան Պետրոսյանի, «Նոյեմբերի 5»-ի գործով դատապարտված Շանթ Հարությունյանի և պահեստազորի գնդապետ, խարդախության մեղադրանքով 6.5 տարվա ազատազրկման դատապարտված Վոլոդյա Ավետիսյանի: Այս մասին տեղեկացանք Վարդան Պետրոսյանին սատարող ֆեյսբուքյան էջից:

Նշենք, որ ավելի վաղ «Հայկական վերածնունդ»-ը հայտարարություն էր տարածել, որում մասնավորապես ասվում է. «Արդեն մեկ տարի Վարդան Պետրոսյանն իրենց պաշտպանում է կաֆկայական դատավարությունում, որի ընթացքում յուրաքանչյուր դատալսման ժամանակ ցուցադրվում է, որ նա անմեղ է եւ որ մեղադրանքները կեղծ են ու անհիմն: Պաշտպանությունը շարունակում է Վարդան Պետրոսյանի անմեղության անհերքելի ապացույցներ ներկայացնել: Սփյուռքը պետք է սատարի նրան, ինչպես նաեւ Հայաստանի բոլոր քաղբանտարկյալներին»: