Ծերունին ճանաչել էր իրեն կողոպտողին

Հոկտեմբերի 28-ին՝ ժամը 15:30-ի սահմաններում, 1927 թ. ծնված Արտաշես Վ.-ն Գյումրի քաղաքի Վարդանանց հրապարակում նկատել էր այն անձնավորությանը, ով հոկտեմբերի 26-ին՝ ժամը 11:00-ի սահմաններում, Գյումրիի Հաղթանակի պողոտայում գտնվող պուրակում իրեն հրելով վայր էր գցել, գրպանից հափշտակել դրամապանակը՝ կանխիկ գումարով, և դիմել փախուստի: Այս մասին տեղեկանում ենք Ոստիկանության պաշտոնական կայք-էջից:

Կատարվածի մասին Արտաշես Վ.-ն տեղյակ էր պահել նշված հրապարակում ծառայություն կատարող ոստիկաններին:

Ոստիկանության Կումայրիի բաժին բերման ենթարկվածը 1983 թ. ծնված, նախկինում դատված Գրիգոր Հ.-ն էր:

Հանգամանքները պարզվում են:

Նախապատրաստվում են նյութեր: